Jeremías 1:8 - Qullan Arunaka DC

⁸ Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Aymar Bibliia 1986

⁸ Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Qullan Arunaca

⁸ Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jeremías 1:8 Jak'a apnaqawi uñst'ayäwi

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Isaías 51:12

Tatitusti siwa: Naya, naya kipkaw jumarux ch'amachsma. ¿Jaqinakaruti axsarta? Uka jiwir jaqinakax qurar uñtataw tukusipxani.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Jeremías 1:17

Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 20:11

Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 39:11

Babiloniankir Nabucodonosor reyix Nebuzaradán sata uñjirinakan jilïriparux akham arunak Jeremías tuqit churarakïna:

Jeremías 42:11

Babiloniankir reyirux jan axsarapxamti, uka reyin munañapat qhispiyañatakix nayaw jumanakampïskta. Naya, Tatituw, uk arsta.

Daniel (hebreo) 3:17

Nanakan Diosaxasti, khitirutix nanakax yupaychapkta ukaxa, uka aqkiri ninatsa jark'aqasipkakitaniwa, kuna jan walinaktix juma reyix lurañ munapkista ukanakat qhispiyapxitaniwa.

Daniel (hebreo) 3:25

Reyisti sarakïnwa: —Nayax pusi jaqinak jararat uñjta, jupanakasti nina taypin sarnaqasipki, ninasti janirakiw jupanakarux kuns kamachkiti, jupanakat pusïri waynäki ukasti mä angelar uñtatawa —sasa.

Mateo 10:26

“Jupanakarux jan axsarapxamti. Janiw kuna imantatas jan uñjatäkaniti, janirakiw kuna jamasankiris jan yatitäkaniti.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Hechos 18:10

Nayaw jumampïskta, janiw khitis kuna ñanqhsa lurkätamti, nayankirinakax aka markan waljaniwa” sasa.

Hechos 26:17

Nayaw judío jaqinakan amparapata, jan judiöpkis uka jaqinakan amparapatsa qhispiyäma. Jupanak taypiruw jichhax khithäma.

Hechos 4:13

Marka apnaqir jilïrinakasti, Pedrompir Juanampir jan axsaras parlir uñjasinxa, muspharapxiwa, jan kuna yatiñan jaqinakätap yatisa, ukatsti amuyapxarakïnwa chiqpachapuni Jesusamp chika sarnaqirïpxatapa.

Hechos 4:29

Jichhasti Tatay, uñtamay nanakar axsarayatanakapa, arkirinakamarusti ch'amamay churapxita, juman arunakam jan axsaras arsupxañaxataki.

Efesios 6:20

Diosaw nayarux aka yatiyäwi uñt'ayañatak khithitu, ukatarak jichhas katuntat uñjasta. Diosat mayipxam, nayan jupat jan axsaras parlañaxataki.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.