1 Reyes 3:7 - Qullan Arunaca

⁷ Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

Aymar Bibliia 1986

⁷ Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

Qullan Arunaka DC

⁷ Juma, Tatit Diosaxawa, David awkix lanti markam apnaqañatak nayar uchistaxa, nayax jan yatiñan mä waynäkipana.

1 Reyes 3:7 Jak'a apnaqawi uñst'ayäwi

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

1 Crónicas 22:5

Davidasti amuyänwa aqhama: “Salomón wawajjasti jisc'äsquiwa, Tatitun templopa lurayañasti wali jach'äñapawa, wali aytataraqui, wali sumaraqui take acapachanquirit sipansa; uqhamasti take cunsa suma waquicht'atwa jaytäjja” sasa. Ucatwa Davidajj janïra jiwjjasinjja wali jach'a waquichäwinacwa uchawayäna.

1 Crónicas 22:9

Ucampis jumajj mä yokall wawanïyätawa, jupasti suman jaquirïniwa; ucjjarusti nayaraquiw uñisirinacaparojj suma chuyma churaraquï, wact'ayaraquï take chekansa samarata sarnakayañapataqui. Ucatwa sutipajj Salomón satäni. Horasaparuwa Israel marcarojj samaraña, sumancaña churaraquï.

1 Crónicas 29:1

Ucatsti Davidajj take tantachasïwi jakenacaruraquiw saraquïna: “Salomón wawajjasti, Diosajj jupa saparuquiw ajllisi, jupasti wawa waynaquïsquiwa, ucampis lurañasti wali jach'awa, uca lurañasti janiwa jaketaqui palacio lurañäqui uqhamäquiti, jan ucasti Tatit Diosataqui templo lurañäqui ucawa.

Salmos 121:8

Tatituw mistutamsa, mantatamsa uñjascani, jichhürut wiñaycama.

Proverbios 18:12

Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.

Eclesiastés 10:16

¡Ay cunaquïcani, cawquïr marcan reyipatejj mä jisc'a wawaquïqui, uqhamarac jilïr jakenacapajj jach'a mank'añanacan khantatipjje ucataquejja!

Jeremías 1:6

Nayasti saractwa: “¡Ay, Tata! ¡Nayajj wawäsctwa, janiw parlañsa yatcti!” sasa.

Jeremías 1:7

Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 4:25

Juma, jach'a reyisti, jakenacatjja yakhachatäjjätawa, animalanacampi chicaw jacaraquïta, vacanacjamaw koranac mank'araquïta, janchimjjarusa sullaw sullantaraquini. Uqhamaw juma, jach'a reyejj, pakallko mara jacäta, alajjpachanquiri Diosajj take acapachan reinonacjjarusa munañanïtapa yatekañamcama, uqhamaraqui jupajj apnakerit utt'ayaraqui qhitirutejj munqui ucaru.

Daniel (hebreo) 4:32

jakenacatjja yakhachatäjjätawa, animalanacampiw jacjjäta, vacjamaraquiw koranac mank'äta pakallko mara phukhasiñapcama, alajjpacha Diosajj jach'a ch'amanïtapa, munañanïtapa take aca orakenquiri marcanacjjaru, uqhamaraqui jupajj apnakerinac utt'ayatapa qhitirutï munqui uc yatiñamcama” sasa.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Daniel (hebreo) 5:21

Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Deuteronomio 31:2

“Nayasti patac pä tuncani maranëjjtwa, janiraquiw ch'amajjas utjcjjeti maysat maysaru sarnakañataqui uqhamarus Tatitu Diosajj situwa: ‘Janiw jumajj Jordán jawir qhurcataru maqhatcätati’ sasa.

1 Samuel 18:16

Ucampisa, take Israel marcanjja, uqhamarac Judá orakensa, Davidarojj walpun munasipjjäna, cunapachatejj guerraru sarapcäna ucapachajj jupaw sarayäna, uqhamarac cuttayanjjaraquïna.