1 Reyes 3:6 - Qullan Arunaca

⁶ Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

Aymar Bibliia 1986

⁶ Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

Qullan Arunaka DC

⁶ Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

1 Reyes 3:6 Jak'a apnaqawi uñst'ayäwi

Génesis 24:40

Jupasti saraquituwa: ‘Nayajj Tatitun thaquipan sarnakawayta, juparaquiw mä angelap qhitanini, saräwiman yanapañapataqui, uqhamat mä warmi wawajjatac irpaniñamataqui, familiajj taypita, awquejjan familiapata.

2 Samuel 22:21

Tatitojj k'oma sarnakatajjatjam churäwip wajjt'itu.

2 Samuel 22:25

Tatituw churäwip wajjt'itu, nayrakatapan k'oma chuyman sarnakatajjata.

2 Samuel 7:5

“Saram, ucat David sirvirejjampi parlam, yatiyaraquim, naya Tatitun arsutajja: ‘Janiw jumati nayataquejj mä templo utacharapquitäta, ucan nayajj jacañajjataqui.

1 Reyes 1:48

aqham sasa: ‘Bendicitäpan Israelan Tatitu Diosapajja, jupawa jichhürojja wact'ayi nayan mayni yokajja tronor maqhatañapataqui, nayan uñjcata’ sasa.

1 Reyes 15:5

Davidasti Tatitutaquejja suma asquinwa sarnakäna, jacañapanjja janipuniw sarakcänti cuntï Tatitojj lurañataqui churcäna ucatjja, jan ucasti Urías hititampi luräwipanacwa sarakänjja.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 3:14

Jumatejj nayan munañajja luräta, uqhamarac leyinacajjsa, camachi arunacajjsa phokharaquïta, cunjämatï David awquimajja lurcäna uqhama, ucatjja jaya maranaca jacañwa churäma” —sasa.

1 Reyes 9:4

Jichhasti jumatejj sarnakäta nayrakatajjana, cunjämatejj David awquimajj sarnakcäna uqhama, jan jucha lurasa cheka chuymamampi, uqhamarac luraraquïta cunanactejj siscsma lurañamataqui, ucatsti leyinacajjarusa, arsüwinacajjarusa ist'araquïta ucajja,

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

2 Crónicas 1:8

Salomonasti Diosarojj saraquïnwa: —Jumasti David awquejjarojja suma munasiñamampiwa uñjtajja, nayarusti jupa lantiraquiw reyit utt'ayaraquistajja.

Salmos 116:7

Almajjay, jichhajj samarasjjam, Tatitun nayat qhuyapayasitap laycu.

Salmos 119:17

Aca uywatamarojj jacayaquimaya, nayasti arunacamarojj phokhäwa;

Salmos 13:6

¡Tatituruw nayar asqui luratapat k'ochü!

Salmos 15:2

Qhititejj juch jan luras jacqui uca, ascpun lurqui uca; qhititejj take chuymamp chekap arsqui uca;

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

2 Corintios 9:11

Uqhamataracwa jumanacarojj take kamir cancañas utjapjjätamjja, mayninacarojj cusisiñampi yanapt'apjjañamataqui. Cuna ofrendtï nanacar jilatanacatac apayapquista ucatjja, jilatanacajj Diosaruw yuspagarapjjaraquinejja.

2 Corintios 9:5

Ucatwa nayatakejj waljamäna uca jilatanacajj jumanacan ucaru nayrakata jutañapa, ucatarac jupanacarojj achict'tjja uqham jutapjjañapataqui, ucatsti jumanacar yanapt'añapataqui uca ofrenda “Churapjjäw” sapcäyätas uca phokhapjjañamataqui. Uqhamataracwa jumanacan ofrendanacamajj waquicht'atäjjani chekpachansa mä munasiña uñacht'äwïñapataqui, janiraqui nanacas jumanacar: “Churapjjapunim” sasa, wayt'apquirisman uqhamjja.