Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,
Génesis 48:12 - Qullan Arunaca Joseasti awquipan jarphipatjja wawanac ichoke, ucatsti oraker puriñcamaw alt'asiraqui. Aymar Bibliia 1986 Joseasti awquipan jarphipatjja wawanac ichoke, ucatsti oraker puriñcamaw alt'asiraqui. Qullan Arunaka DC Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna. |
Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,
Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,
Ucjjarusti jupanacatjja nayrt'awayänwa, ucatsti p'ekepampi oraker puriñcamaw pakallko cuti alt'asïna, jilapan jac'apancjjäna ucqhacama.
Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.
Josearusti saraquïnwa: —Nayajj janiw jumar uñcatañjja amtcjjayäti, ucampisa Diosajj wawanacamsa uñcatayasquituwa —sasa.
Ucatsti janc'aquiw panpacha ichjjarusi; Efrainjja cupi ampararu, Manasesarusti ch'eka ampararuraqui, ucat awquipar ichcati. Uqhamaw Efrainajj Israelan ch'ekäjjaparu kheparjjäna. Manasesasti cupëjjaruraqui.
Betsabé warmisti uqhamwa Salomón reyimpi parlir saräna Adonías laycu. Reyisti taycaparu catokañataquisti sayt'asïnwa, uqhamarac jupataquejj alt'asiraquïnwa. Ucatsti wastataw tronoparu kont'asiri cuttäna, ucatjja aptayanïnwa mä konüña taycapataqui; ucatsti taycapajj cupëjjaparuwa kont'asïna,
Warmisti jac'achasisinjja, Eliseon cayuparuwa quillt'asïna; ucatjja wawapa irpjjarusisinjja uca utatjja mistuniwayjjänwa.
“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.
Ucat Moisesajj mäquiw quillt'asisa p'eke parapsa orakeru alnokasin Tatituru yupaychäna:
“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.
“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.