Levítico 19:32 - Qullan Arunaca

³² “Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Aymar Bibliia 1986

³² “Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Qullan Arunaka DC

³² “Kayut sayt'asisin chuyman jaqinakar mä suma yäqañampi uñjam. Tatit Diosamar axsartatamsa uñacht'ayarakim. Nayätwa Tatituxa.

Levítico 19:32 Jak'a apnaqawi uñst'ayäwi

Génesis 31:35

Raquelasti saraquïnwa: —Awquejja, janiw colerasïtati, nayan jan sartatajjatjja, phajjsi wilanïscatajj laycu —sasa. Labanasti diosanacap thakascäna, ucampis janiw jicjjatcänti.

Génesis 48:12

Joseasti awquipan jarphipatjja wawanac ichoke, ucatsti oraker puriñcamaw alt'asiraqui.

1 Reyes 2:19

Betsabé warmisti uqhamwa Salomón reyimpi parlir saräna Adonías laycu. Reyisti taycaparu catokañataquisti sayt'asïnwa, uqhamarac jupataquejj alt'asiraquïnwa. Ucatsti wastataw tronoparu kont'asiri cuttäna, ucatjja aptayanïnwa mä konüña taycapataqui; ucatsti taycapajj cupëjjaparuwa kont'asïna,

2 Reyes 17:36

Jan ucasti naya Tatit Diosamaruwa yupaychapjjetäta, qhititejj Egipto marcata apsunipctam wali jach'a ch'amampi. Naya saparuquiwa yupaychapjjetäta sacrificionaca loktasina.

Job 32:4

Cunjämtejj Eliú chachajj takenit sipansa juc'ampi waynaquïnjja ucatwa suyt'äna Job chachampi parlañ tucuyañapcama.

Job 32:6

Ucatwa parlañ kalltaraqui: “Cunjämtejj nayajj sullcäsctjja, jumanacasti chuymani jakenacäpjjaracta, ucatwa nayajj jan cunsa arscäyätti.

Proverbios 16:31

Jank'o ñic'utanëjjañajja mä suma coronjamawa, cheka thaquin sarnakatata jicjjatatajja.

Proverbios 20:29

Jach'a jach'a tucuñasti waynanacanjja ch'amanacapanquiwa; chuyman awquinacanjja jank'o ñic'utanacapawa mä jach'añchäwejja.

Proverbios 23:22

Ist'am jumar jathasir awquimaru; taycamajj chuymanëjjani ucqhajja jan jisc'achamti.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Lamentaciones 5:12

Jilïrinacasasti amparata warccatataw uñjasipjjaraqui, chuymani jakenacasa janiw ajjsaratäcjjapjjaraquiti.

Levítico 19:14

“Okara jakerusti jan maldicimti. Juyqhun sarnakañaparusti janipuni cuna casta jan walt'añanacsa liwisiñapataquejj uscumti. Tatitu Diosamaru ajjsartam. Nayätwa Tatitojja.

Romanos 13:7

Qhitinacarutejj manüpctas ucjja phokjjapjjaraquim. Kollke churañ utjchi ucajja churapjjam. Impuesto manüpctas ucjja phokhapjjam. Ajjsarañäqui ucarojj ajjsarapjjaraquim. Yäkañäqui ucarojj yäkapjjam.

1 Timoteo 5:1

Chuymani awquinacarojj jan tokemti, ucampis suma ewjjanac churam awquimäcaspas uqhama, waynanacarojj jilamarjam uñjam.

1 Pedro 2:17

Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.