Efesios 6:1 - Qullan Arunaca

¹ Wawanaca, awquimaru taycamaru ist'apjjam, Tatitur munasina. Acawa chekapajja.

Aymar Bibliia 1986

¹ Wawanaca, awquimaru taycamaru ist'apjjam, Tatitur munasina. Acawa chekapajja.

Qullan Arunaka DC

¹ Wawanaka, kunjämtix Tatitux munki ukhamaruy awkimar taykamarux jaysapxam, ukham jaysañaw askixa.

Efesios 6:1 Jak'a apnaqawi uñst'ayäwi

Génesis 28:7

Jacobosti cunjämtejj awquipan, taycapan qhitata Padan-aram uca tokeru sarjjän ucsa sumwa amuyänjja.

Génesis 37:13

Ucatwa Israelajj Josearojj saraquïna: —Jilanacamajj Siquem token ovejanac awatisipqui. Sart'asman uñjt'iri —sasa. —Waliquiwa, cun janejj sart'äjja —sasaw Joseajj saraquïna.

Génesis 48:12

Joseasti awquipan jarphipatjja wawanac ichoke, ucatsti oraker puriñcamaw alt'asiraqui.

Génesis 50:12

Jacobon yokanacapasti, cuntejj awquipajj maycatayna uqhamarupuniwa take cunsa phokhapjjaraquïna.

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Ester (hebreo) 2:20

Mardoqueon yatichataparjamasti Ester warmejj janiw arscänti marcapatjja, ni familiapatsa, jan ucasti cunjämtejj Mardoqueojj yatichcäna jupa jac'anccäna ucqhajja uqhamarjamaw phokhascäna.

Job 33:27

Saraquiniwa: ‘Nayajj juchwa lurta, cunatejj jan chekapäqui ucwa luraractjja, ucampisa Diosajj janiw mutuyañ muncaraquitänti;

Salmos 119:128

Ucat arsutanacamarjamajj sarnakta, c'ari sarnakañarusti uñistwa.

Salmos 119:75

Tatay, arsutanacamajj chekapawa, ucarjamaw nayarojj t'akhesiyista.

Salmos 19:8

Tatitun camächit arunacapajj chekapawa, chuymar cusisiyiriwa; Tatitun arsutanacapajj k'omawa, nayranacar khan chuririwa.

Proverbios 1:8

“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti.

Proverbios 23:22

Ist'am jumar jathasir awquimaru; taycamajj chuymanëjjani ucqhajja jan jisc'achamti.

Proverbios 30:11

Yakhep jakenacajj awquiparojj ñankhachapjjewa; janiraquiw taycaparus bendisipquiti.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Proverbios 6:20

“Munat wawajjay, chuymamarojj imapunim, awquiman, taycaman ewjja arunacapa, uqhamarac yatichäwinacapsa.

Jeremías 35:14

Recab jaken Jonadab sat wawapan wawanacapajj cuntejj awquipajj jaytawaycatayna uca arunacjja phokhapjjewa, jupanacarusti ‘Janipuniw vino umapjjätati’ satänwa, ucatsti jichhürcama janiw umapquiti, nayra awquipan arunacaparu phokhasa, uqhamaraqui uca arunaca ist'apjjatap laycu. Nayasti uca quipcaraquiw jumanacarojj ewjjanaca mayampi, mayampi churapjjsma ucampis jumanacajj janiw nayarojj ist'apquistati.

Jeremías 35:18

Uqhamarusa, Jeremiasajj recabita jakenacarojj saraquïnwa: “Israelan Diosapa, take ch'amani Tatitojj siwa: ‘Jumanacajj nayra Jonadab sat awquiman arunacapa ist'apjjatam laycojja, take yatichäwinacapsa, cuntejj jumanacaru sapcäyätam uca arunaca laycojja,

Jeremías 35:8

Nanacajj phokhapjjapuntwa cuntejj nayra Jonadab awquejjajj jaytawayapquitu uca arunacjja, ucatsti janipuniw vinjja umapcti, nanacasa, warminacajjasa ni wawanacajjasa.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Lucas 2:51

Ucapachaw jupanacamp chica Nazaretarojj cuttjjäna, ucatsti jupanacar ist'asaw sarnakäna. Taycapasti take acanacjj chuymaparuw imäna.

Romanos 12:2

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Romanos 16:2

Tatitun sutiparu sum catokapjjam, cunjämtejj Diosar arquir taypinjja catokasiñäqui uqhama. Juparusti yanapt'apjjapunim, cunanacatejj jupan jan utjqui ucanacana, jupasti walja jakenacaruw yanapt'äna nayarus uqhamaraqui.

Romanos 7:12

Ucampis uca leyejj chekpachansa kollanawa, camachisti kollanaraquiwa ucatsti asquiraqui sumaraquiwa.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Deuteronomio 21:18

“Cawquïritejj jan ist'asiri ñankha wawanïchi, janiraqui awquiparus ist'caracchiti, kawkha jawk'catas awquinacaparojj janipun ist'cchiti,

1 Timoteo 5:4

Ucampis mayni ijma warminacajj wawanïscchi jan ucajj allchhinïscchi ucajja, jupanacpachpa yatekapjjpan pachpa familiapar yanapaña, cunja munasiñampitejj awquinacapajj munasïna uca pachpa munasiñampi. Acajj asquiwa, Diosarojj cusisiyaraquiwa.

1 Pedro 2:13

Tatit laycusti jakenacan uscutäqui take uca autoridadanacarojj jaysapjjam, reyirusa, jilïritap laycu,

Rut 3:5

Rut warmejj Noemí taycch'iparojj sänwa: —Take cunanactejj ewjjawayquistajja ucanacjja luräwa —sasa.

1 Samuel 17:20

Khepärmanthisti Davidajj wali alwatwa sartasïna, ovejanacap mayniru jaytawayasinsti, cunanactejj Isaí awquipajj churcatayna ucanac apt'ataw sarawayäna. Campamentor purcän ucapachasti, ejercitojj nuwasiri mistuñataquiw waquichasiscäna, uqhamarac guerrar mistuñataquiw arnakasipjjaraquïna.