Génesis 42:6 - Qullan Arunaca

⁶ Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.

Aymar Bibliia 1986

⁶ Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.

Qullan Arunaka DC

⁶ Joseasti Egipto markan apnaqiripänwa, jupaw trigo aljäna taqi chiqat purinir jaqinakaru. Kunapachatix jilanakapax jupa nayraqatar uñstapkän ukkhasti, Josean nayräxaparuw alt'asipxäna, ajanunakapsa uraqir puriyañkama.

Génesis 42:6 Jak'a apnaqawi uñst'ayäwi

Génesis 18:2

Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,

Génesis 19:1

Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,

Génesis 33:3

Ucjjarusti jupanacatjja nayrt'awayänwa, ucatsti p'ekepampi oraker puriñcamaw pakallko cuti alt'asïna, jilapan jac'apancjjäna ucqhacama.

Génesis 41:43

Ucjjarusti jupanquïrit payïri suma carroparuraquiw irpjjatäna, ucatsti “Uñtapjjam” sasaw jupa nayrakatan arnakapjjäna. Uqhamaw Josearojj utt'ayäna takpach Egipto marcar apnakañapataqui.

Génesis 41:54

pakallko mach'a maranacaw sartaraquïna, cunjämtejj Joseajj siscatayna uqhamarjama. Take marcanacanwa mank'at t'akhesiñajj utjäna, Egiptonac jan utjcäntejja, ucansti mank'añajj utjascaraquïnwa.

Génesis 41:57

Take marcanacatwa Egiptorcama jutapjjäna, Joseat trigo alt'asiñataqui, janiraquiw cawqhansa cuna mank'añas utjcänti.

Génesis 44:14

Cunapachatejj Judämpi, jilanacapampejj utar purinipcän ucqhasti Joseajj ucancascänwa. Ucatsti jupanacajj Josean nayrakataparuw alt'asipjje ajanunacapajj oraker puriñcama,

Génesis 45:26

Cunapachatejj jupanacajj awquiparojj uqham Josean jacascatapa, uqhamaraqui Egipto marcan jach'a gobernadorätapa yatiyapjjän ucqhajj janiw jupajj camsañsa puedcänti, janiraquiw iyawsirjamäcänsa cuntejj yokanacapajj siscatayna uca arunacjja.

Génesis 45:8

Uqhamasti Diosaw aca chekarojj qhitanitu janiw jumanacati. Juparaquiw faraonan utapansa mä jach'a jilïrit uscutu, uqhamaraqui aca Egipto marcan gobernadorapatsa ucharaquitu.

Génesis 48:12

Joseasti awquipan jarphipatjja wawanac ichoke, ucatsti oraker puriñcamaw alt'asiraqui.

Proverbios 11:26

Qhititejj trigonac catuntasin imantqui ucajja, jaken uñisitawa, ucampis qhititï masipar aljqui ucajja, suma jaket uñt'atawa.

Isaías 60:14

Qhitinacatejj jumaru t'akhesiyapcäyätam ucanacan wawanacapasti juma nayrakataruw alt'ata jutapjjani, qhitinacatejj jisc'achapcäyätam ucanacasti cayunacamaruw quillt'asipjjani, sapjjaraquïtamwa: ‘Tatitun marcapa’ ‘Israelan Kollan Diosapan Sión kollupa’ sasa.

Hechos 7:10

Take t'akhesiñanacapatsa imaraquïnwa, amuyt'sa churaraquïnwa. Ucatsti Egiptonquir rey Faraonampiw yanapt'ayaraqui. Uca reyisti Josearojj Egipto marca apnakeritwa utt'ayäna, uqhamarac quicpa reyin utap apnakerita.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.

1 Samuel 20:41

Uywatan sarjjatapatsti, Davidajj janc'aquiw uca kala chhajjwa khepäjjat mistuni. Ucatsti Jonatán nayräjjarojja quimsa cutiw oraker ajanup puriyañcama alt'araquïna. Ucat janc'aquiw jamp'att'asipjjäna, panpachaniw jachapjjaraquïna, Davidan chuyma utt'ayasiñapcama.