Génesis 42:6 - Qullan Arunaka DC

⁶ Joseasti Egipto markan apnaqiripänwa, jupaw trigo aljäna taqi chiqat purinir jaqinakaru. Kunapachatix jilanakapax jupa nayraqatar uñstapkän ukkhasti, Josean nayräxaparuw alt'asipxäna, ajanunakapsa uraqir puriyañkama.

Aymar Bibliia 1986

⁶ Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.

Qullan Arunaca

⁶ Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.

Génesis 42:6 Jak'a apnaqawi uñst'ayäwi

Génesis 18:2

Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna,

Génesis 19:1

Kunapachatix uka pä angelax Sodoma markaru puripkän ukapachax niya ch'amakthapxänwa, Lot chachasti markar mantañ punkun qunt'atäskänwa, kawkhantix jaqinakax tantachasipxirïkäna ukkhana. Uka pani angelar uñjasasti katuqañatakiw sayt'asïna, ukatsti killt'asisaw p'iqip uraqir puriyañkam alt'asïna,

Génesis 33:3

Ukxarusti jupanakat nayrt'awayänwa, jilapan jak'achasiñapkamasti p'iqipa uraqir puriyañkamaw paqallq kuti alt'asïna.

Génesis 41:43

Ukxarusti mä suma carroruw irpxatäna, ukasti reyin qhipap sarirïki uka jilïritakïnwa, ukatsti Josean nayräxapan art'apxäna: “¡Thakhit sartapxam!” sasa. Faraonax ukham Josear utt'ayäna taqpach Egipto marka apnaqañapataki.

Génesis 41:54

ukatsti paqallqu mach'a maranakaw sartarakïna, kunjämtix Joseax siskatayna ukhama. Taqi markanakan manq'at t'aqhisiñax utjäna, Egipto markanak jan utjkänti, uka markansti manq'añax utjaskänwa.

Génesis 41:57

Taqi markanakatsti Egiptorkamaw Joseat trigo alasiri jutapxäna, uka markanakan manq'añax jan utjatap layku.

Génesis 44:14

Kunapachatix Judá chachampi, jilanakapampix Josean utapar puripkän ukkhaxa, Joseax ukankaskänwa. Ukat jupanakax Josean nayraqatapar alt'asipxäna, ajanunakapsa uraqir puriyañkama,

Génesis 45:26

Kunapachatix jupanakax awkiparu Josean jakaskatapa, Egipto markan jach'a jilïri apnaqirïtapa yatiyapxän ukkhaxa, janiw jupax kunsa arsurjamäkänti, janirakiw kuntix yuqanakapax siskäna uka arunakarus iyawsirjamäkänti.

Génesis 45:8

Ukhamasti Diosaw aka chiqarux khithanitu, janiw jumanakati khithanipkista, juparakiw faraonan amuyt'ayiripat uskutu, jach'a utapansa mä jach'a jilïrita, ukhamarak Egipto markan apnaqiripatsa utt'ayitu.

Génesis 48:12

Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna.

Proverbios 11:26

Trigo arkuntir jaqirux, jaqix ñanqhachiwa; trigo aljir jaqirusti, jaqix jach'añchiwa.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Hechos 7:10

taqi t'aqhisiñat juparux imäna, ukatsti amuyt'a kankañ churäna, Egiptonkir faraón reyin nayraqatapan aski jaqit uñt'ayarakïna, uka reyisti Josearux Egipto marka apnaqirit utt'ayäna, jupan reyi utap apnaqirit utt'ayarakïna.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

1 Samuel 20:41

Uywatan sarxatapatsti, Davidax imantaskän uka chiqat mistunïna, ukatsti Jonatanan nayraqatapar purisax kimsa kutiw uraqir ajanup puriyañkam alt'arakïna. Ukatsti jank'akiw jamp'att'asipxäna, panpachaniw jachapxäna, Davidan chuyma utt'ayasiñapkama.