Ucatwa faraonajj Abramaru jawsayani, ucatsti saraquïnwa: “¿Cunatsa ac lurista? ¿Cunatsa jan sista aca warmejj juman warmimäscatapa?
Génesis 3:13 - Qullan Arunaca Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa. Aymar Bibliia 1986 Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa. Qullan Arunaka DC Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa. |
Ucatwa faraonajj Abramaru jawsayani, ucatsti saraquïnwa: “¿Cunatsa ac lurista? ¿Cunatsa jan sista aca warmejj juman warmimäscatapa?
Joseasti saraquïnwa: —¿Cuns lurapjjta? ¿Janit yatipcta nayjam jakejj adivinirïtapjja? —sasa.
Ucanac ist'asinsti Joab jakejj reyir uñjiriw saräna, ucat saraquïnwa: “Jach'a rey, ¿cunarac jumasti lurtasti? Abnerajj jach'a reyiru uñjiriraquis jutataynajjä, ucatsti jach'a reyejj qhitanucjjaquiraquitaynasä.
Ucampis awqui profetajj sascaquïnwa: —Nayajj jumjama profetaraquïtwa, ucatsti Tatit toketa mä angelawa parlitu nayajja utajjaru irpasina mank'a, uma churañajjataqui —sasa. Uca awqui profetajj c'ariscchïna ucasa,
Ucampisa, cunapachatejj mä imill wawa wawachasini ucapachasti pä semanaw k'añu uñjasiraquini, cunjämatejj phajjsi wilapan jutatajj uñjasirïqui uqhama, ucatsti wila jutatapatjja sojjta tunca sojjtani urunacampiw k'omachasiscaquini.
Barco apnakerinacasti walipuniw sustjasipjjäna, ucatsti jisct'apjjänwa: —¿Cunats uqham lurta? —sasa. Jonasasti jupanacarojj arsjjänwa. Diosan nayrakatapat jaltanitapa.
Pilatosti ucjjarojj saraquïnwa: —¿Nayajj judiötti? Marca masinacamampi, uqhamarac sacerdotenacan jilïrinacapampiw, jumjj catuyapjjetu. ¿Cuns lurta? —sasa.
Juchasti leyjja sumwa catjjarusi, ucatwa nayarojj sallkjitu, uqhamarac uca quipca ley tokes nayarojj jiwayitu.
Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.
Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.
Ucampis Samuelojj sänwa: —¿Cunatsa uca lurta? —sasa. Saúl reyisti saraquïnwa: —Cunapachatejj jakenacaru sarjjapjjeri uñjta, jumasti janiraquiw cuna urutejj puriniñamäcän uca urus purinctati, filisteonacasti Micmas sisqui uca chekan tantacht'atäsipcaraqui,
—Amalec ucatwa ucanacjja apanipjjta —sasaw Saúl reyejj saraquïna. —Ucampisa jakenacajj suma ovejanacampi, suma vacanacampjja janiw jiwarayapquiti jan ucasti Tatitu Diosamaru sacrificio loktañataquiw imasipqui. Ucampisa ucat juc'ampjja k'alwa jiwarayjjapjjta —sasa.