Génesis 3:13 - Qullan Arunaka DC

¹³ Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa.

Aymar Bibliia 1986

¹³ Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa.

Qullan Arunaca

¹³ Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa.

Génesis 3:13 Jak'a apnaqawi uñst'ayäwi

Génesis 12:18

Ukat faraonax Abram chacharux jawsayanïna, ukatsti sarakïnwa: “¿Kunatsa ak lurista? ¿Kunatsa jan sista aka warmin juman warmimäskatapxa?

Génesis 44:15

Joseasti sarakïnwa: —¿Kunatsa uk lurapxista? ¿Janit yatipkta, nayan taqi kun yatirïtaxsti? —sasa.

2 Samuel 3:24

Ukanak ist'asinsti Joab jaqix reyin ukaruw saräna, ukat jupar sarakïna: —¿Kunatarak juma reyisti uk lurtasti? Abneran juman ukar jutkipansti, ¿kamisarak ukhamak khithanukxtasti?

1 Reyes 13:18

Ukampis awki profetax saskakïnwa: —Nayax jumjam profetarakïtwa, mä angelaw Tatitun arupar jaysasin parlitu nayax utaxar irpasina manq'ampi, umampi jumar churañaxataki —sasa. Judá uraqinkir profetax janiw uka awki profetan k'arisitap yatkänti,

Levítico 12:5

Ukampisa mä imill wawa wawachaskani ukkhasti, tunka pusin uruw q'añu uñjasini, kunjämatix phaxsi wila urunakapan uñjasirïki ukhama, ukatsti wila jutatapatxa suxta tunka suxtani urumpiw q'umachasiskakini.

Jonás 1:10

Jonasax barco apnaqirinakar jupan Tatitur jan ist'as jaltanitap yatiyäna, jupanakasti uk ist'asax walipuniw sustjasipxäna, quta mathapinakasti juk'ampi juk'ampiw sartäna, wasitatsa jiskt'asipkakïnwa: —¿Kunatarak uk lurtasti? ¿Kamachapxämas aka quta mathapinakan t'akurañapatakixa? —sasa.

Juan 18:35

Pilatosti sarakïnwa: —Nayax janiw judiökti; marka masinakamampi, sacerdotenakan jilïrinakapampiw jumarux nayar katuyapxitu. ¿Kunarak lurtasti? —sasa.

Romanos 7:11

juchasti kamachit katxarusi, ukat nayar sallqjitu, uka kipka kamachimpiw nayar jiwayitu.

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

1 Timoteo 2:14

Adanax janiw sallqjat uñjaskänti, jan ukasti, warmiw sallqjat uñjasïna, sallqjayasitapampiw juchar purïna.

1 Samuel 13:11

Ukampis Samuelux sänwa: —¿Kunatsa uk lurta? —sasa. Saúl reyisti sarakïnwa: —Jaqinakar sarxir uñjta, jumasti janirakiw kuna urutix puriniñamäkän ukürux purinktati, filisteonakasti Micmás chiqan tantacht'atäpxänwa,

1 Samuel 15:15

Saúl reyix sarakïnwa: —Amalec chiqat ukanak apanipxi, jaqinakasti Tatit Diosaru wilañcha luqtañatakix suma ovejanaka, suma vacanak imaqapxi. Ukat uksarusti q'al tukjanipxta —sasa.