Génesis 1:11 - Qullan Arunaca

sänwa: “Orakejj take casta achunac achpan, jathanac churir koranacasa, uqhamarac achu churiri kokanacasa; jathanacapasti uca pachpancaracpan” sasa. Ucatsti uqhampuniw lurasïna.

Aymar Bibliia 1986

sänwa: “Orakejj take casta achunac achpan, jathanac churir koranacasa, uqhamarac achu churiri kokanacasa; jathanacapasti uca pachpancaracpan” sasa. Ucatsti uqhampuniw lurasïna.

Qullan Arunaka DC

sänwa: “Uraqinxa kunayman alinak utjpan, jathanak churir alinaka, ukhamarak achu churir quqanakasa” sasa. Arsutapasti ukhamapuniw phuqhasïna.

Génesis 1:11 Jak'a apnaqawi uñst'ayäwi

Génesis 1:12

Orakenjja cunayman casta alinacaw achüna. Jathanac churir ch'ojjñanaca, uqhamarac frutanac achuri kokanaca. Diosasti ucjja wali sumätapwa uñjäna.

Génesis 1:29

Ucjjarusti saraquïnwa: “Jichhajj jumanacaruw churapjjsma take casta jathachiri alinaca, uqhamaraqui take casta frutanac achuri kokanaca. Take ucanacasti mank'añataquïniwa.

Génesis 2:16

ucapachasti aqham sänwa: “Aca huerton take kokanacat mank'asïta,

Génesis 2:5

janïraw alinacajj utjcänti, koranacasa janiraquiw oraketjja alircataynati. Dios Tatitusti janïraraquiwa jalljja orakeru puriycataynati, uqhamarus janiraquiw qhiti irnakerisa utjcänti.

Génesis 2:9

Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Job 28:5

Orakejj, patanjja, trigo achusqui, mankhatsti ninampi muyuntatäcaspasa uqhamaraquiwa.

Salmos 1:3

Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Salmos 147:8

Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi.

Isaías 61:11

Cunjämatejj oraketjja alinacajj sartanejja, mä pankar yapun ayrunacajj ch'ichtanejja, uqhamracwa Tatitojj atipjañapjja sartayani, take marcanacasti yupaychaña k'ochunac k'ochupjjani.”

Jeremías 17:8

Jalir umani jawir thiyaru ayruntata kokjamäniwa, saphinacapasti uca uma tokeru saphintataraquiwa, cunapachatejj lupejj purinqui ucqhasti janiw ajjsarcaraquiti, laphinacapasa take horasansa ch'ojjñaquïscaniwa. Waña horasa purinipansti janiw mayjt'ascaniti, take horasansa achuniquïscaniwa.

Mateo 3:10

Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Mateo 6:30

Niyaquitejj Diosajj ucqha suma uca pankaranacarojj isthapiychejja jichhürojj pampancasqui ucat kharürusti ninaru phichhantatäñataquiqui ¡cunja juc'ampinacsa Diosajj jumanacataquejj luranejja, pisi iyawsañan jakenaca!

Marcos 4:28

Jathajj orakenjja jupapachaw jilasqui; nayrakatajj aliw mistu, ucjjarusti amuchrantiwa, ucatsti pokorjjaraquiwa.

1 Corintios 15:38

Ucatsti Diosajj uca jatharojj cunjämtï munqui uqhamwa tucuyi, ucatsti sapa jatharaquiwa mä ali tucojja.

Hebreos 6:7

Jupanacasti cunjämatejj orakejj jallu catokejj sapa cuti jallu puripanjja uqhamäpjjewa. Uca oraketejj sum achchi irnakerinacataqui ucqhajja, Diosan bendicionapwa catoke.

Santiago 3:12

Munat jilatanaca, ¿higo alejja aceituna achuspati, jan ucajj uva alisa higo achunac churaspati? Uqhamaraquipï pachpa uma jalsutjja jan mistcaspatejj suma umampi c'allc'u umampejja.