Salmos 1:3 - Qullan Arunaca

³ Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Aymar Bibliia 1986

³ Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Qullan Arunaka DC

³ Jupax, jawir thiyan ayruntat quqar uñtatawa: wakisitarjamaw achunak churi, laphinakapax janiw wañskiti. ¡Taqi luräwinakapasti walt'askakipuniwa!

Salmos 1:3 Jak'a apnaqawi uñst'ayäwi

Génesis 39:23

cárcel uñjiristi janiraquiw Josean luratanacapjja wasitat uñaquipiricänti, Tatitusti jupampïscaraquïnwa, take cunas Joseataquejj waliquïscaraquïnwa.

Génesis 39:3

Uywiripasti amuyaraquïnwa Tatitojj Joseampïscatapa, ucataracwa take cunas Joseataquejj waliquïscänjja.

2 Reyes 18:7

Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

1 Crónicas 22:11

Jichhasti nayan wawajja, Tatituy jumampïpan Tatit Diosamataqui mä templo lurayañamataqui, cunjämtï jupajj juman lurayañamataqui arsqui uqhamaru.

1 Crónicas 22:13

Take cunasa asquiruw sararapïtam, cuntejj Tatitojj Israel marcataqui Moisesar churcäna uca leyinacapa, uqhamarac ewjjanacapa phokhäta ucqhajja. ¡Ch'amañchasim, sumarac sayt'araquim; janipuni mayjt'asimti, ni ajjsararaquimsa!

2 Crónicas 31:21

Take cuntï jupajj amtcäna Diosan templopana sirviñataqui, jan ucajj leyinacatsa, mandamientonacatsa luränwa Diosar take chuymampi thaktañataqui, ucatwa jupan luräwipajja asquir saräna.

2 Crónicas 32:23

Ucatjja waljaniwa Jerusalenaru Tatitutaqui ofrenda apapjjäna, uqhamarac wali jila alani churäwinacsa apapjjäna Judá oraken Ezequías reyitaquisa. Ucqhat qhuysarusti jupan jach'a cancañapajja juc'ampiwa jiljjatäna yakha marcanacan nayrakatapana.

Job 14:9

umampi warjjatatajja wasitatwa ch'ojjñtanjjani, ucatsti mä machaka alïcaspasa uqhamaw layminacapajja ch'ojjñatatjjaraquini.

Job 22:28

Take luräwinacamansti walt'ascaquipunïtawa; khanasti thaquimanwa khanaraquini.

Salmos 128:2

Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Salmos 129:8

janiw qhitis ucanacarojj sisquiti: “Tatituy asquinac jumanacar churpan” sasajja. Nanacasti Tatitun sutiparuw jumanacarojj jach'añchapjjsma.

Salmos 92:14

ch'ama karita tokerus achu churasipcaquiniwa, suma laphintata, ch'umintataw sayt'apjjani,

Salmos 92:15

Arjjatir Tatitojjan asquïtap yatiyapjjani, imasirejjan jan ñankha lurirïtap arsupjjani.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 3:10

Ucampis cusisiñaniw asqui jakejja, jupataquisti take cunas waliquïscaniwa. Asqui luratanacapatsti cusisiraquiniwa.

Isaías 44:4

Ucasti suma karpat pastjamaw jilani, jawira thiyan jilasir saucer uñtata.

Isaías 58:11

Nayajj jumarojj irpascapunïmawa, wasaransti mank'añjja jilarquir churaraquïma, janchimarusti ch'amañcharaquïmawa, mä suma karpata pankar yapjamaw tucuraquïta, mä uma jalsur uñtataw tucüta, umamasti janiw tucuscaraquiniti.

Jeremías 17:8

Jalir umani jawir thiyaru ayruntata kokjamäniwa, saphinacapasti uca uma tokeru saphintataraquiwa, cunapachatejj lupejj purinqui ucqhasti janiw ajjsarcaraquiti, laphinacapasa take horasansa ch'ojjñaquïscaniwa. Waña horasa purinipansti janiw mayjt'ascaniti, take horasansa achuniquïscaniwa.

Ezequiel 17:8

Ucampisa mä suma orakeru ayruntatäscänwa, walja umanaca jac'aru, ucanjja wali laymintasapäna uqhamaraqui suma achunac churaraquispänjja, mä suma uva aliru tucuraquisapänjja.’

Ezequiel 19:10

‘Taycamajj uma jac'anacaru ayruntata uva alir uñtatänwa, wali achuri, walja laphinacaniraqui, walja uma utjatap laycu.

Ezequiel 31:5

Cunjämtejj walja umanaca utjänjja, take kokanacat sipansa juc'ampi jach'aw jilaraquïnjja. Ramanacapasti walipuniw jilantäna, waljaruwa tucuraquïna.

Ezequiel 47:12

Uca jawira thiyanacansti purapcatanjja cunayaman casta frutanaca achuri kokanacaw jilaraquini. Uca kokanacan laphinacapasti janipuniw willirtcaniti, jan samart'asaw uca kokanacajj achuraquini. Sapa phajjsiw achupjjaraquini, templot mistquejja uca umampi karpatäpjjatap laycu. Uca achunacasti mank'añataquïniwa, laphinacasti kollataquiraquïniwa.

Números 24:6

Walja sekentat palmeranacar uñtataraquiwa, jawir lacanacan pankaranacar uñtata. Tatitun ayrut áloes sat pankaranacjama, uqhamaraqui cedronacas uma thiyanccaspas uqhama.

Mateo 13:6

Inti lupt'anïpansti pharsuwayjjewa, jan suma saphinïtap laycu.

Mateo 21:19

Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Mateo 21:34

Cunapachatejj yapu apthapiñ horasajj purinjjän ucqhajja, uca yapuruw qhiti mä kawkha jupan uywatanacaparu, cunatejj jupar wact'cäna apsusiñapajj cosechatjja uca aptaniri.

Mateo 21:41

Ucjjarojj sapjjaraquïnwa: —Uca ñankha jakenacarusti jan qhuyapt'ayasisaw jiwarayani, ucatsti yakha yapuchiriruraquiw uca yapjja arrendjani, ucanacasti yapu apthapi horasajj nayrakatwa yapunirojj churani jupancquis ucjja —sasa.

Juan 15:6

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

Deuteronomio 28:8

“Tatitu Diosamaw bendicionanac apayanipjjätam achunacan pirwanacamarusa, uqhamaraqui take cuntejj lurcäta ucarusa, ucatsti cusisitaw jacäta cawquïri oraktejj churcätam ucanjja.

Judas 1:12

Acanacasti mä p'enkawa cunatejj jumanacajj munasiñanacamatjja suma fiestanac lurapjjta ucanjja, jupanacasti ucanjja jan ajjsart'asaw mank'apjje, uqhamarac umapjje, jupanacpacha awatirinacjamäpjjewa. Jan uman kenayjam thayan apatäpjjewa, uqhamarac horasaparus jan achun kokanacjamäpjjewa, pä cuti jiwata, uqhamarac saphitpacha jiq'inucutäpjjaraquiwa.

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.