Génesis 2:5 - Qullan Arunaca

⁵ janïraw alinacajj utjcänti, koranacasa janiraquiw oraketjja alircataynati. Dios Tatitusti janïraraquiwa jalljja orakeru puriycataynati, uqhamarus janiraquiw qhiti irnakerisa utjcänti.

Aymar Bibliia 1986

⁵ janïraw alinacajj utjcänti, koranacasa janiraquiw oraketjja alircataynati. Dios Tatitusti janïraraquiwa jalljja orakeru puriycataynati, uqhamarus janiraquiw qhiti irnakerisa utjcänti.

Qullan Arunaka DC

⁵ janïraw alinakax utjkänti, quranakas uraqit alirkataynati. Diosasti janïraw jallxa uraqir puriykataynati, ukhamarus janirakiw khiti irnaqiris utjkänti.

Génesis 2:5 Jak'a apnaqawi uñst'ayäwi

Génesis 2:6

Ucampisa, oraketjja umaw mistüna, ucatsti orakerojj karpantaraquïnwa.

Génesis 3:23

Ucatwa Dios Tatitojj jakerojj Edén huertotjja apsüna, ucatsti cuna lak'at luratäcäntejj uca orake irnakañapataquiw uscüna.

Génesis 4:12

Orakjja wal lurascäta ucasa, janiw achunacajj achurapcätamti. Aca orake muyusaraquiw sarnakäta, janipuni samart'añ jicjjatasa —sasa.

Génesis 4:2

Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Job 5:10

Jupaw acapacharu jallu apayani, ucampiraquiw yapunacjja karpanti;

Salmos 104:14

Uywanacataquiw koranac jiltaytajja, jaken yapuchat alinac jilayaractajja, oraket mank'añ apsusiñapataqui,

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Jeremías 10:12

Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Jeremías 10:13

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Hebreos 6:7

Jupanacasti cunjämatejj orakejj jallu catokejj sapa cuti jallu puripanjja uqhamäpjjewa. Uca oraketejj sum achchi irnakerinacataqui ucqhajja, Diosan bendicionapwa catoke.