Mateo 6:30 - Qullan Arunaca

³⁰ Niyaquitejj Diosajj ucqha suma uca pankaranacarojj isthapiychejja jichhürojj pampancasqui ucat kharürusti ninaru phichhantatäñataquiqui ¡cunja juc'ampinacsa Diosajj jumanacataquejj luranejja, pisi iyawsañan jakenaca!

Aymar Bibliia 1986

³⁰ Niyaquitejj Diosajj ucqha suma uca pankaranacarojj isthapiychejja jichhürojj pampancasqui ucat kharürusti ninaru phichhantatäñataquiqui ¡cunja juc'ampinacsa Diosajj jumanacataquejj luranejja, pisi iyawsañan jakenaca!

Qullan Arunaka DC

³⁰ Diosatix uka panqaranakarux sum isthapiychixa, jichhürux sum panqart'aski, qharürusti ninar phichhantatäxarakiwa, ¡Diosax jumanakampix juk'amp sum lurani, pisi iyawsañan jaqinaka!

Mateo 6:30 Jak'a apnaqawi uñst'ayäwi

Salmos 92:7

Jucharar jakenacajj korjamas alintasipcpan, ñankha luririnacajj pankarasipcpansa, jupanacajj wiñayatac tucjatäpjjaniwa.

Mateo 14:31

Ucspachaw Jesusajj amparapat catusinjja Pedrorojj waysu, ucatsti saraquiwa: —¡Pisi iyawsañan jake! ¿Cunatsa pächasta? —sasa.

Mateo 16:8

Jesusasti ucjj amuyänwa, ucat jupanacarojj saraquïna: —¿Cunats: ‘Janiw t'ant'anïctanti’ sapjjtajja? ¡Wali pisiw jumanacan iyawsañanacamajja!

Mateo 17:17

Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Mateo 8:26

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Marcos 4:40

Ucatsti Jesusajj discipulonacaparojj saraquïnwa: —¿Cunats ucatak sustjasipjjta? ¿Cunatarac jan iyawsañanïpjjtasti? —sasa.

Marcos 9:19

Jesusasti jupanacarojj sänwa: —¡Ay, jan iyawsañan jakenaca! ¿Cunapachcamas jumanacampiquïscäjja? ¿Cunapachcamarac jumanacasti ch'am tucuyapjjetäta? Irptanipjjam uca waynaru —sasa.

Lucas 12:28

Diosatejj uqham korarojj ist'aychejja, jichhürojj pampancasqui kharürusti hornon naqhantayatäcchinisa, ucanacatjj ¡kawkha juc'amps jumanacarojj isthapiyapjjätamjja, pisi iyawsañan jakenaca!

Lucas 9:41

Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa.

Juan 20:27

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

1 Pedro 1:24

Kellkatanacan siwa: “Take jakenacajj korar uñtataquiwa, Jach'a cancañapasa koran pankarapar uñtataquiraquiwa. Korajj wañsjjewa, pankaras willirtjjaquiraquiwa.