Éxodo 7:9 - Qullan Arunaca

—Faraonatejj ‘Milagro lurapjjam’ sapjjätam ucajja jumasti Aaronaruw säta: ‘Thujruma faraonan nayrakatapar liwnokam’ sasa, uca thujrojja mä catariru tucuñapataqui.

Aymar Bibliia 1986

—Faraonatejj “Milagro lurapjjam” sapjjätam ucajja jumasti Aaronaruw säta: “Thujruma faraonan nayrakatapar liwnokam” sasa, uca thujrojja mä catariru tucuñapataqui.

Qullan Arunaka DC

—Faraonatix “mä muspharkañ luräwi lurapxam” sapxätam ukaxa, jumax Aaronaruw säta: “Thujrum faraonan nayraqatapar liwnuqam” sasa, ukhamat uka thujrux mä katarir tukuni —sasa.

Éxodo 7:9 Jak'a apnaqawi uñst'ayäwi

Éxodo 10:13

Moisesasti thujrupa ayjjarusinwa Egipto orakjjaru loktäna, ucatsti Tatitojj thaya jutayäna inti jalsu toketjja, ucampis uruy arumawa thayäna. Ucat khepärmanthisti uca thayajja t'ijut'ijunacwa puriyanïna.

Éxodo 4:17

Uqhamarac apasïtawa aca jach'a thujruma, ucampiwa jumajj milagronac luräta.

Éxodo 4:2

Ucat Diosajj saraquïnwa: —¿Cunas amparamanquejja? —sasa. Moisesajj saraquïnwa: —Mä jach'a thujruwa —sasa.

Éxodo 4:20

Moisesajja, warmipa, wawapa mä asnoru konjjatayawayasinjja Egipto orakeruw cutt'äna. Uqhamarac amparaparusti ayjjarusiwayaraquïnwa cuntejj Diosajj churcäna uca jach'a thujrupa.

Éxodo 4:3

Diosasti saraquïnwa: —Thujruma oraker jacnokam —sasa. Moisesajj iyaw sasawa oraker jacnokäna, thujrojja mä catariruw tucüna. Moisesasti uqham catari uñjasinjja ajjsarayasisaw jaltjjäna.

Éxodo 7:8

Tatitojj Moisesampir, Aaronampirojj parlascaquïnwa:

Éxodo 9:23

Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Isaías 7:11

—Tatitu Diosamar mayim mä milagro lurañapataqui, ucasti jumataqui mä unañchäñapataqui, cawqui mankhapachansa jan ucajj cawqui wali alaya amstansa —sasa.

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Mateo 12:39

Jesusasti jupanacarojj sänwa: —Dios nayrakatan jan wali sarnaker jakenacajj mä unañcha mayipjje, ucampis janiw mayampis unañchajj lurascaniti, jan ucasti Jonasan unañchapaquiw uñacht'ayasini.

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 2:18

Uca pasatatsti judionacajj jisct'apjjänwa: —¿Cuna munañampitï acanac lurcta ucatjja uñachayapjjetasmati? —sasa.

Juan 6:30

Ucatsti jisct'apjjaraquïnwa: —¿Cuna unañchsa uñacht'ayapjjetasma jumar nanacajj iyawsapjjañajjataquejja? ¿Cuns lurta?