Éxodo 9:23 - Qullan Arunaca

²³ Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Aymar Bibliia 1986

²³ Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Qullan Arunaka DC

²³ Moisesasti thujrup ayxarusin amparap alaxpach tuqir luqtäna, ukatsti Tatitux qhixu qhixunaka, lliju llijunaka, chhijchhinak uraqxar apayanïna. Egipto markpachan chhijchhintayäna,

Éxodo 9:23 Jak'a apnaqawi uñst'ayäwi

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Job 37:13

Diosajj take ucanacjja acapachar t'akhesiyañataquiw utjayi, qhuyapayasiñapa uñacht'ayañataqui.

Salmos 147:17

Jupaw chhullunqhayarojj chhijchhir uñtat apayani; umanacasti thayampiw chhullunqhayar tucu.

Salmos 148:8

Tatitur jach'añchapjjam, khejjokhejjosa, chhijchhisa, qhunusa, urpusa, arunacap jaysir jach'a thayasa.

Salmos 18:13

Alajjpachanquir Tatitojj alajjpachatpach ajjsarcañ jach'a arup ist'asiyäna.

Salmos 29:3

Tatitun arupajj lamar kotan ist'asi, khapak cancañan Diosajj khojjokeyiwa; Tatitojj jach'a lamar kotjjan ist'asiyi.

Salmos 77:18

Khejjokhejjonacamajj jach'a thayamp chicaw ist'asïna, llijullijunacamajj acapachpach khant'ayäna, orakesti qhathatïnwa.

Éxodo 19:16

Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Éxodo 20:18

Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 9:18

Uca laycusti, nayajja arumanthi aca horasarusti walpunwa chhijchhintayäjja, janiw cunapachas uqhama purirïquiti aca Egipto marca kalltat jichhacamajja.

Éxodo 9:24

Ucatsti nina chhijchhejja, khejjokhejjompi walipuniw purintäna. Uqhamasti janipuniw cunapachas uqhäm chhijchhejj Egiptor purirïcänti.

Isaías 30:30

Tatitusti jach'a arupwa ist'ayaraquini, jach'a ch'amapsti uñacht'ayaraquiniwa, ajjsarcañ colerampiraquiw lurani, mä akquir ninan naqhatapjama, rayonacampi, jallumpi, chhijchhimpi cuna.

Josué 10:11

Cunapachatï amorreo jakenacajj Bet-horón sat aynacha jalakasipcän israelitanacat jaltasa ucqhajj, Diosajj jach'a kala chhijchhinac jupanac patjjaru jalluyäna, ucanacasti walja amorreo jakenacaruw jiwarayäna, israelitanacan espadanacapat sipansa.

Apocalipsis 16:18

Ucatsti utjaraquïnwa llijullijunaca, khejjokhejjonaca, ojjoñanaca, mä jach'a orak qhathatiw orakjja qhathatiyaraquïna. Uca orak qhathatjamajj janipuniw cunapachas utjcänti cuna horasattï jakejj oraken utjqui ucqhatpachajja.

Apocalipsis 16:21

Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.