Éxodo 9:23 - Qullan Arunaka DC

²³ Moisesasti thujrup ayxarusin amparap alaxpach tuqir luqtäna, ukatsti Tatitux qhixu qhixunaka, lliju llijunaka, chhijchhinak uraqxar apayanïna. Egipto markpachan chhijchhintayäna,

Aymar Bibliia 1986

²³ Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Qullan Arunaca

²³ Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Éxodo 9:23 Jak'a apnaqawi uñst'ayäwi

Génesis 19:24

Tatitux Sodoma, Gomorra markanakxarux aqkir azufrempiw jallur uñtat purintayäna;

Job 37:13

Diosax taqi ukanakxa akapachar t'aqhisiyañatakiw utjayi, jan ukax, khuyapayasiñap uñacht'ayañatakiraki.

Salmos 147:17

Jupaw chhullunkhayarux chhijchhir uñtat apayani; umasti thayampiw chhullunkhayar tuku.

Salmos 148:8

¡Tatitur jach'añchapxam, q'ixu q'ixu, chhijchhi, khunu, urpu! ¡Arunakap jaysir jach'a thaya!

Salmos 18:13

13 (14) Jach'a munañan Tatitux alaxpachatpach axsarkañ jach'a arup ist'asiyäna; chhijchhjama, nakhaskir sank'jama.

Salmos 29:3

Tatitun arupax lamar qutan ist'asi, qhapaq kankañan Diosax arup qhuxuqiyi; ¡Tatitux jach'a lamar qutxan ist'asiyi!

Salmos 77:18

18 (19) Q'ixu q'ixunakamax jach'a thayampi chikaw ist'asïna, lliju llijunakamax taqi akapach qhant'ayäna, uraqisti khathatirakïnwa.

Éxodo 19:16

Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Éxodo 9:18

¡Walikiwa!, nayax arumanthix walpun chhijchhintayä, ukham chhijchhix janiw Egipto markan utjatapat jichhakamax kunapachas utjirïkiti.

Éxodo 9:24

chhijchhisa, qhixu qhixusa walpun purintäna. Janipuniw kunapachas Egipton ukham chhijchhintirïkänti.

Isaías 30:30

Tatitusti jach'a arupa ist'ayani, jach'a ch'amapsti uñacht'ayarakiniwa, axsarkañ phiñasiñampiw ukanak lurani, q'ixu q'ixunakampi, jallumpi, chhijchhimpi taqi ukanakax mä aqkir ninjam tukjiriwa.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.

Apocalipsis 16:18

Ukatsti lliju llijunakampi, qhixu qhixunakampi, uxuñanakampi, jach'a uraqi khathatinakampiw utjäna, ukar uñtatax janipuniw kunapachas jaqinakan utjatapatpach uñjaskänti.

Apocalipsis 16:21

alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.