Éxodo 4:17 - Qullan Arunaca

¹⁷ Uqhamarac apasïtawa aca jach'a thujruma, ucampiwa jumajj milagronac luräta.

Aymar Bibliia 1986

¹⁷ Uqhamarac apasïtawa aca jach'a thujruma, ucampiwa jumajj milagronac luräta.

Qullan Arunaka DC

¹⁷ Thujrum apasïta, ukampiw jumax kunayman muspharkañanak luräta.

Éxodo 4:17 Jak'a apnaqawi uñst'ayäwi

2 Reyes 4:29

Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Éxodo 14:16

Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Éxodo 17:9

Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Éxodo 4:2

Ucat Diosajj saraquïnwa: —¿Cunas amparamanquejja? —sasa. Moisesajj saraquïnwa: —Mä jach'a thujruwa —sasa.

Éxodo 4:20

Moisesajja, warmipa, wawapa mä asnoru konjjatayawayasinjja Egipto orakeruw cutt'äna. Uqhamarac amparaparusti ayjjarusiwayaraquïnwa cuntejj Diosajj churcäna uca jach'a thujrupa.

Números 20:8

—Jach'a thujrum catum, ucatsti Aarón jilaman yanapapampejj takpach marcaru tantachthapim. Ucatsti take jakenaca nayrakatanjja karkaru parlam uma churañapataqui, ucatwa uñjäta karkat uma mistuniri, jupanacan uqhamarac uywanacapan umt'apjjañapataqui.

1 Corintios 1:27

Ucampis Diosajj jakenacan pisi amuyunit uñt'at jakenacaruw ajllisi jach'a amuyuninacar p'enkachañataqui. Uqhamaraquiw Diosajj ajllisi jakenacan pisi ch'amanit uñt'atanacaru, uqhamat jila ch'amaninacar p'enkachañataqui.