Éxodo 17:6 - Qullan Arunaca

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Aymar Bibliia 1986

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Qullan Arunaka DC

Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Éxodo 17:6 Jak'a apnaqawi uñst'ayäwi

Nehemías 9:15

Ucatjja mank'at awtjatäpcäna ucqhasti alajjpachatwa t'ant'a churaniractajja sist'asipjjañapataqui, uqhamarac umat pharjatäpcäna ucqhasti karkatwa uma jalsuyarapïyätajja umt'apjjañapataqui. Ucatjja arsüyätawa cawquïr oraktejj churañataqui parlcayäta ucar mantapjjañapataqui.

Salmos 105:41

Karkaruw jist'jäna, umasti karkat jalsunïna, wasaran jawir umanacajj jaltäna.

Salmos 114:8

Jupaw karkanacat uma sayt'anac utjayi. Jupaw karkanacat uma jalsunac mistuyi.

Salmos 46:4

Mä jawiraw Diosan marcaparojj cusisiyi, Alajjpachanquirin kollan marcaparu.

Salmos 74:15

Jumaw uma jalsunacsa, jawiranacs jalsuytajja, jumaw jan wañsur jawiranac wañt'aytajja.

Salmos 78:18

chuymanacapan Diosar yant'apjjäna, munañaparjam mank'a mayisa;

Salmos 78:20

Chekans jupajj karkar sac'antasaquiw um jalsuyäna, umasti jawiranacjamaw jalsüna; ucampis, ¿t'ant'a churaraquistaspati?, ¿marcapatac aych utjayaraquispati?” sasa.

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Éxodo 14:16

Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Éxodo 16:10

Ucampis Aaronajj take israelitanacar parlcäna ucapachasti takeniwa uñjapjjäna wasar toketa Tatitun jach'a cancañapajj kenay taypit uñstaniri.

Isaías 48:21

Wasara chekanac irpancchi ucasa, janiw jupanacajja umat pharjayasipquiti; jupaw jach'a karka ch'iyji, walja uma jalsuyaniraqui.

Números 20:8

—Jach'a thujrum catum, ucatsti Aarón jilaman yanapapampejj takpach marcaru tantachthapim. Ucatsti take jakenaca nayrakatanjja karkaru parlam uma churañapataqui, ucatwa uñjäta karkat uma mistuniri, jupanacan uqhamarac uywanacapan umt'apjjañapataqui.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

1 Corintios 10:4

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Deuteronomio 1:2

Horeb kolluta Cades-barnea sat chekacamajja, tunca mayan urunac sarañäsquiwa, Seir kollun thaquipanjam sarasajja.

Deuteronomio 8:15

Cawquïri Diosatï irpanipjjtam uca jach'a ajjsarcañ wasaranjama, venenon asirunacani, escorpionanacan phokhantata, cawqhantï umas jan utjcäna uca cheka, ucampisa Tatitu Diosajj mä karkat uma jalsuyäna jumanacan umañanacamataqui.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.