Éxodo 17:6 - Qullan Arunaka DC

⁶ Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Aymar Bibliia 1986

⁶ Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Qullan Arunaca

⁶ Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Éxodo 17:6 Jak'a apnaqawi uñst'ayäwi

Nehemías 9:15

Manq'at awtjatäpkäna ukkhasti sist'asipxañapatakix alaxpachat t'ant'a churantaxa, umat pharjatäpkäna ukkhasti umt'apxañapatakix qarqat uma jalsuyaraktaxa. Ukatsti jupanakar churañatak arsut uraqiruw mantayaraktaxa.

Salmos 105:41

Qarqaruw jist'jäna, umasti qarqat jalsunïna, wasaran jawir umanakax jaltäna.

Salmos 114:8

¡Jupaw qarqanakat uma sayt'anak utjayi! ¡Jupaw qarqanakat uma jalsunak mistuyi!

Salmos 46:4

4 (5) Mä jawiraw Diosan markaparux kusisiyi, Alaxpachankirin qullan markaparu.

Salmos 74:15

Jumaw uma jalsunaksa, jawiranaksa jalsuytaxa, jumaw jan wañsur jawiranak wañt'aytaxa.

Salmos 78:18

Diosaruw yant'añ munapxäna, munañaparjam manq'a mayisa;

Salmos 78:20

Chiqansa jupax qarqaruw sak'antäna, umasti waljapuniw uka qarqat jalsüna, ukampis, ¿t'ant'a churarakistaspati?, ¿markapatak aycha utjayarakispati?” sasa.

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Éxodo 14:16

Jumasti, thujrum aytam, qutxar amparam luqtasin payar jaljtayam; ukhamat israelitanakax uka taypi waña uraqinjam makhatapxani.

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Isaías 48:21

Tatitux jumanakarux wasara chiqanjam irpanipxtam, ukampis janiw umat pharjayasipktati; jupax mä jach'a qarqa jaljasaw jumanakatakix walja uma jalsuyi.

Números 20:8

—Thujrum ayxarum, ukatsti Aarón jilamamp yanapt'ayasisin taqpach markar tantachthapim. Ukatsti taqpach jaqinak nayraqatan qarqar parlam jupanakar uma churañapataki, ukat qarqat uma jalsunir uñjäta, jupanakana, ukhamarak uywanakapan umt'apxañapataki.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

1 Corintios 10:4

pachpa ajay uma umapxarakïna. Jupanakax ajay qarqat umapxäna, uka qarqaw jupanakamp chik saräna. Uka qarqasti Cristo Tatitünwa.

Deuteronomio 1:2

Cadés-barnea sat markar puriñatakisti, Seír qullun thakhipanjam sarasaxa, Horeb qulluta tunka mayan uru sarañäskiwa.

Deuteronomio 8:15

Jupaw uka axsarkañ jach'a wasaranjam irpanipxtam, mich'intasir asirunakani, ajarankhunakan phuqhantata, kawkhantix umas jan utjkäna uka chiqa, ukampis Tatitux mä qarqat uma jalsuyäna jumanakan umapxañamataki.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.