Éxodo 17:7 - Qullan Arunaka DC

⁷ Uka chiqarusti Meribá sasaw sutichäna, israelitanakan jupatak arusipxatap layku, ukatsti Masá sutimpiw ucharakïna, Diosar yant'apxatap layku: “¿Tatitux jiwasanak taypinkiti, janicha?” sasa.

Aymar Bibliia 1986

⁷ Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Qullan Arunaca

⁷ Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Éxodo 17:7 Jak'a apnaqawi uñst'ayäwi

Salmos 106:32

Meribá umanak jak'an Tatiturux q'apisiyapxäna, jupanak laykuw Moisesax jan walir purïna,

Salmos 78:18

Diosaruw yant'añ munapxäna, munañaparjam manq'a mayisa;

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Salmos 81:8

8 (9) Markaxay, iwxanakaxar ist'am; ¡Israel marka, inachay ist'itasma!

Salmos 95:8

“Meribá uraqinjam chuymanakam jan qalarayasipxamti, Masá wasaranjam chuymanakam jan ch'ullqhiptayapxamti,

Éxodo 17:2

ukat Moisesar mayipxäna: —¡Umt'añatak uma churapxita! —sasa. Moisesasti sänwa: —¿Kunatarak nayaruk mayipxistasti? ¿Kunatarak Diosar ukham yant'apxtasti? —sasa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Números 20:13

Ukasti Meribá chiqan lurasïna, uka chiqan israelitanakax Tatitutak arusipxäna, ukampis jupax qullan kankañap uñacht'ayäna.

Números 20:24

—“Aaronax jiwxaniwa, janiw jupax Israelan wawanakapar churkta uka uraqir mantkaniti, jumanakan Meribá chiqan arunakaxar jan jaysapxatam layku.

Números 27:14

jumanak paninix Sin sat wasaran nayar jan jaysapkistati, markax nayatak sartkän ukapacha, janirakiw jumanakax uma mayipkän ukkhax jupanak nayraqatan jach'añchapkistati, —sasa. (Akasti Cadés chiqankir Meribá uma jalsut parli, Sin wasarana).

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Deuteronomio 31:17

Ukampis q'apisiñaxaw jupanakatak aqtani, jupanakarusti apanukurakïwa; janiw kunatakis jupanakat amtaskäti, jan walt'añanaka, llakisiñanak jupanakxar apayanï, ukat jupanakax sapxani: ‘¿Tatit Diosasasti janit jiwasampïkxpacha, ukatti aka t'aqhisiñanakan jikxataspachätansti?’ sasa.

Deuteronomio 33:8

Leví ayllurusti sarakïnwa: “Diosax israelitanakampiw tuqisïna Masá chiqan jupanakar yant'arakïna, Meribá sat uma jalsu thiyana. Ukampis jupax iyawsañampiw uñjapxtam jupar jaysapxatamata, arust'äwip phuqhas sarnaqapxatamata, awkinakamaru, jilanakamaru, wawanakamar ist'añat sipana. Ukat Tatitux jumanakar Urim, Tumim katuyapxtam, jupan sacerdotenakap utt'ayapxaraktam.

Deuteronomio 6:16

“Janirak jumanakan Tatit Diosamarux yant'apxamti, kunjämtix Masá chiqan lurapkta ukhama.

Deuteronomio 9:22

“Ukatsti jumanakax Taberá, Masá, Quibrot-hataavá uka chiqanakan Tatiturux q'apisiyapxaraktaxa.

Josué 22:31

Ukat Finees sacerdotex jupanakar säna: —Jichhasti yattanwa, Tatitun jiwasanak taypinkaskatapa; jumanakax janirakiw Tatitutak sayt'asiñ amtapkatätati, ukhamat jichhax Tatitun mutuyäwipat Israel markax qhispita uñjasi —sasa.