Éxodo 17:8 - Qullan Arunaka DC

⁸ Amalecita jaqinakax Refidim sat chiqaruw israelitanakamp nuwasir jutantapxäna.

Aymar Bibliia 1986

⁸ Amalecita jakenacasti jutapjjänwa Refidim sat chekaru israelitanacampi nuwasiñataqui.

Qullan Arunaca

⁸ Amalecita jakenacasti jutapjjänwa Refidim sat chekaru israelitanacampi nuwasiñataqui.

Éxodo 17:8 Jak'a apnaqawi uñst'ayäwi

Génesis 14:7

Kuttanxasin Quedorlaómer reyimpi, jupampïpkän ukanakasti, En-mispat chiqaruw puripxäna, kawkha chiqatix Cadés satäkäna ukaru. Ukansti amalecitanakan uraqip tuqin taqi kuntix thakhin jikxatapkän ukanak t'unjapxäna, uka kipkarakiw Hasesón-tamar sat uksa tuqin jakir amorreonakampix lurapxäna.

Génesis 36:12

Elifaz jaqin mä uñt'atapaw utjäna, jupasti Timná sutinïnwa; jupasti mä yuqall wawa wawacharapïna, Amalec sutimpiw ucharakïna. Jupanakänwa Adá warmin wawanakapaxa, Esaú chachan mayni warmipäkän ukana.

Génesis 36:16

Coré, Gatam, Amalec ukanaka. Edom uraqinxa, jupanakänwa Elifazat saraqir wawanakat jilïr irpirinakaxa, jupanakasti Adá warmin allchhinakaparakïnwa.

Salmos 83:7

7 (8) Guebal, Amón, Amalec jaqinaka, Tiro uraqin jakir filisteonaka,

Éxodo 17:1

Israelitanakax taqiniw Sin sat wasarat sartawayxapxäna, jupanakasti Tatitun arunakaparjamaw juk'at juk'at sarapxäna. Refidim sat chiqar purisasti ukkharuw utjnuqtapxäna, ukampis janiw umt'añatak uma jikxatapkänti,

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Números 24:20

Uka arunak sasinsti, Balaamax Amalec uraqi tuqir uñtasaw aka arunak arsüna: “Amalec markax wali ch'aman markawa; taqpach markanakat sipan wali ch'amaniwa, ukampis q'ala t'unjataw uñjasini” sasa.

Jueces 6:3

Israelitanakax yapuchapkän ukapachaxa, madianitanakampi, amalecitanakampi, inti jalsu tuqinkir jaqinakampiw jupanakar nuwantir juntantapxäna.

1 Samuel 14:48

Ukatsti jupax mä jach'a ejército tantacht'äna ukat amalecitanakarux atipjarakïna. Ukhamat israelitanakarux uka lunthata lluch'susirinakat qhispiyäna.

1 Samuel 15:2

Taqi ch'amani Tatitux akham siwa: “Nayax amalecita jaqinakarux israelitanakar jan wali luratanakapat mutuyäwa, jupanakax chika thakhiruw sayantasipxäna kunapachatix israelitanakax Egiptot jutapkäna ukapachaxa.

1 Samuel 27:8

Davidampi jaqinakapampisti, Guesur, Guézer, Amalec uka markanakan jakirinakar lunthatjiriw sarapxäna. Telaím siski ukkhat qalltasina, Sur sat wasar tuqir sarañana, Egipto markakama.

1 Samuel 30:1

Kimsüru saraqatarusti, Davidampi jaqinakapampix Siclag markaruw puripxäna, ukansti amalecita jaqinakan Néguev sat uraqir mantantapxatapa, Siclag markar t'unjapxatapa, ninampi phichhantapxatap jikxatapxäna.