Éxodo 17:9 - Qullan Arunaka DC

⁹ Ukat Moisesax Josué chachar säna: —Mä qawqha chachanak ajlliwayasin amalecitanakamp nuwasir saram. Nayasti arumanthix qullu patan Diosan thujrup amparaxar ayt'ataw ukankä —sasa.

Aymar Bibliia 1986

⁹ Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Qullan Arunaca

⁹ Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Éxodo 17:9 Jak'a apnaqawi uñst'ayäwi

Éxodo 17:13

Josué chachasti espadampkamaw amalecitanakarux atipjäna.

Éxodo 18:21

Ukham lurañamatakisti, israelitanak taypit suma amuyt'an chachanak thaqham, Diosar axsartirinaka, qhan parlirinaka, qullqi layku jan khitirus arxatirinaka. Jupanakarusti waranqa jaqinakan jilïripat ucham, yaqhipanakarux patak jaqinakxaru, yaqhipanakarusti phisqa tunka jaqinakxaru, mayninakarusti tunka jaqinakxaruraki.

Éxodo 24:13

Moisesasti sartasin Diosan qulluparuw makhatäna Josué yanapiripamp chika.

Éxodo 33:11

Diosasti Moisesampix ajanuy ajanuw parläna, kamisatix mä jaqix jila masipamp parlaski ukhama, ukatsti Moisesax campamentoruw kutt'anxäna. Ukampis jupan yanapiripa, Nun chachan yuqapa Josué waynaxa, Tatitump Jikisiñ Carpat janipuniw mistunirïkänti.

Éxodo 4:17

Thujrum apasïta, ukampiw jumax kunayman muspharkañanak luräta.

Éxodo 4:2

Ukat Diosax sarakïna: —¿Kunas amparamanki? —sasa. Moisesasti sänwa: —Mä thujruwa —sasa.

Éxodo 4:20

Moisesasti, warmipampiru, wawanakapampir mä asnor qunxatayasin Egipto uraqir kutt'äna. Amparaparusti Diosan thujrup ayxarusiwayarakïna.

Números 11:28

Ukat Josué sat Nun chachan yuqapa, khititix Moisesar waynatpach yanapkän ukax säna: —¡Moisés, tatay, uka arunak jan parlayamti! —sasa.

Números 13:16

Ukanakaw Moisesan khithat jilïr jaqinakan sutinakapaxa, jupanakarusti Canaán uraqi uñakipiriw khithäna. Oseas sat Nun chachan yuqaparux Josué sutimpiw Moisesax sutichäna.

Números 13:8

Efraín ayllutxa, Oseas sat Nun chachan yuqapa;

Números 27:18

Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Hechos 7:45

Nayra awkinakasax mä tutïkaspas ukham uka arust'äwi arca katuqapxäna. Josué chachamp chika jutirinakaw uka arust'äwi arca apanipxäna, yaqha markankir jaqinakan uraqinakap katuntapkän ukapacha, uka uraqinkir jaqinakarusti Diosax ananukünwa, israelit jaqinakar uka uraqinakap churañataki. Arust'äwi lurat arcasti David reyin urunakapkamaw ukankäna.

Deuteronomio 32:44

Moisesax Israel marka nayräxan aka q'uchun arunakap jupanakar ist'ayi, Nun chachan Josué yuqapasti jupa jak'ankaskänwa.

Hebreos 4:8

Josué chachatix israelitanakar samarañ churasapän ukaxa, Diosax janiw yaqha urut parlkasapänti.

Josué 8:18

Ukatsti Tatitux Josué chachar sänwa: “Ai marka tuqir lanzam aytam, nayaw amparamar katuyäma” sasa. Josué chachasti amparap aytasin marka tuqiruw lanzap uñtayäna.

Josué 8:3

Josué chachasti taqpach soldadonakapampiw Ai markar sarañatak wakicht'asïna. Kimsa tunk waranqa nuwasir jaqinak ajllïna, jupanakarusti arumaw khithäna, akham iwxt'asa: