Éxodo 17:7 - Qullan Arunaca

⁷ Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Aymar Bibliia 1986

⁷ Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Qullan Arunaka DC

⁷ Uka chiqarusti Meribá sasaw sutichäna, israelitanakan jupatak arusipxatap layku, ukatsti Masá sutimpiw ucharakïna, Diosar yant'apxatap layku: “¿Tatitux jiwasanak taypinkiti, janicha?” sasa.

Éxodo 17:7 Jak'a apnaqawi uñst'ayäwi

Salmos 106:32

Meriba umanac jac'an Tatiturojj k'apisiyapjjäna, jupanac laycuw Moisesajj jan walir purïna,

Salmos 78:18

chuymanacapan Diosar yant'apjjäna, munañaparjam mank'a mayisa;

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Salmos 81:8

Marcajjay, ewjjanacajjar ist'am, Israel marca, nayarojj ist'aquitasma:

Salmos 95:8

“Meriba orakenjam chuymanacam jan kalarayasipjjamti, Masah wasaranjam chuymanacam jan ch'ollkheptayapjjamti:

Éxodo 17:2

Ucatsti Moisesaruw mayipjjäna: —¡Uma churapjjeta umt'añataqui! —sasa. Ucat Moisesajj saraquïnwa: —¿Cunatsa nayaruqui mayipjjesta? ¿Cunatsa jumanacajj uqhama Diosaru yant'ar uchapjjta? —sasa.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,

Números 20:13

Acawa Meriba sat uma jalsunacajja; cawqhantejj israelitanacajj Tatitu contra arsupjjäna; ucanwa Jupajj Kollan cancañapa uñacht'ayäna.

Números 20:24

“Aaronasti jiwjjaniwa, janiw mantcaspati cawquïri oraktejj israelitanacaru churä siscta ucarojja, jan jumanacajj Meriba chekan arunacajjar ist'apquistati uca laycu.

Números 27:14

jumanac paninejj Zin sat wasaranjja, cunapachatejj marcajj naya contra sartcäna ucqhajja, jan arunacajjar ist'apjjatam laycu, janiraquiw jumanacajj jach'añchapquistati jupanac nayrakatanjja, cunapachatejj uma mayipquitän ucqhajja. (Acasti Meriba uma jalsut parlasi, Cades chekana, Zin sat wasarana).

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 33:8

Leví triburusti saraquïnwa: “Jumanquiwa Dios Tata, Tumim uqhamaraqui Urim ucanacajja, jumanquiwa cawquïri jaketejj chekäqui ucasa; cawquïrirutï Masah sat chekan yant'cta, cawquïrimpitejj tokesta Meriba sat umanacansa;

Deuteronomio 6:16

“Janiraqui jumanacan Tatitu Diosamarojj yant'apjjamti, cunjämtï Masah sat chekan lurapjjta uqhama.

Deuteronomio 9:22

“Uqhamaraquiw jumanacajj Tatitu Diosarojj colerayapjjta, Tabera, Masah, Kibrot-hataava uca chekanacana.

Josué 22:31

Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.