Éxodo 11:7 - Qullan Arunaca

Uqhamat jumanacajj yatipjjañamataqui, cunjämtï Tatitojj israelitanacarojj egipcionacat yakhachqui ucjja. Israelitanacarusti, uqhamarac uywanacaparusa janiw anus wajcaniti.

Aymar Bibliia 1986

Uqhamat jumanacajj yatipjjañamataqui, cunjämtï Tatitojj israelitanacarojj egipcionacat yakhachqui ucjja. Israelitanacarusti, uqhamarac uywanacaparusa janiw anus wajcaniti.

Qullan Arunaka DC

Ukhamat jumanakan yatipxañamataki kunjämtix Tatitux israelitanakar egipcionakat yaqhachki ukxa. Israelita jaqinakarusti, ukhamarak uywanakaparus janiw anunakas wajkaniti.

Éxodo 11:7 Jak'a apnaqawi uñst'ayäwi

Job 5:16

jupaw pobrenacan arjjatiripajja, ¡jupaw ñankha jakenacan lacanacapsa lluphantaraqui!

Salmos 7:12

Janitejj jakejj Diosar cutiquipstcanejja, jupajj espadap waquicht'asini; mich'ipasti niy jiyintatpachawa.

Éxodo 10:23

Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 8:22

Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.

Éxodo 9:26

Ucampis Gosén sat orakerusti cawqhancapcäntejj israelitanacajj ucqharojj janiw mä chhijchhis purcänti.

Éxodo 9:4

Ucampis Tatitojja israelitanacan uywanacapjja yakhachaniwa, egipcionacan uywanacapatjja, israelitanacan uywanacapajj janiw mayas jiwcaniti.’

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

Josué 10:21

Ucampis Israel marcajj jan cuna camacht'ataw Maceda chekaru cuttanjjapjjäna Josué chachampi chica. Ucatsti janiraquiw qhitis jupanacatjja cuna jan walsa parlañ puedipcänti.