Éxodo 8:19 - Qullan Arunaca

¹⁹ Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Aymar Bibliia 1986

¹⁹ Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Qullan Arunaka DC

¹⁹ 19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Éxodo 8:19 Jak'a apnaqawi uñst'ayäwi

Génesis 41:24

Aca pakallko waña puyanacasti, uca suma pakallko puyanacaruw mank'antapjjäna. Nayajj take aca samcwa yatiri jakenacaru avist'asta, janiw maynis khanañchañ puedquituti.

Salmos 8:3

Cunapachatejj juman lurat alajjpach uñatatcta, juman uchat phajjsimpiru, warawaranacampir uñtcta ucapachajj sistwa:

Éxodo 10:23

Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Éxodo 10:7

Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Éxodo 11:7

Uqhamat jumanacajj yatipjjañamataqui, cunjämtï Tatitojj israelitanacarojj egipcionacat yakhachqui ucjja. Israelitanacarusti, uqhamarac uywanacaparusa janiw anus wajcaniti.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Éxodo 9:26

Ucampis Gosén sat orakerusti cawqhancapcäntejj israelitanacajj ucqharojj janiw mä chhijchhis purcänti.

Éxodo 9:4

Ucampis Tatitojja israelitanacan uywanacapjja yakhachaniwa, egipcionacan uywanacapatjja, israelitanacan uywanacapajj janiw mayas jiwcaniti.’

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Mateo 12:28

Ucampis nayajj uca ñankha ajayunacarojj alisstwa Diosan Ajayupan ch'amapampi, ucasti sañ muni Diosan reinopaw jumanacar purinjje.

Lucas 11:20

Ucampis Diosan ch'amapatwa ñankha ajayunacjja jakonucta, ucasti sañ muni Diosan reinopajj jumanacar purinitapa.

Juan 11:47

Uc yatisinsti fariseonacampi sacerdotenacan jilïrinacapampejj Jach'a Tantachäwiruw jawsthapipjjäna, ucansti sapjjaraquïnwa: —¿Cuns lurañäni? Aca jakejj walja unañchanaca milagronacampwa luri.

Hechos 4:16

Ucatsti sapjjewa: —¿Camachañänisa aca chachanacarojja? Jupanacajj mä milagro lurapjje. Take Jerusalenan jaquir jakenacasa ucjj yatipjjaraquiwa. Uca luräwitjja janiw jiwasanacajj jan yatir tuccaracsnati.

1 Samuel 6:3

Jupanacasti sapjjaraquïnwa: —Jumanacatejj Israelan Diosapan arcapa cutt'ayañ munjjapjjstajja, jan uqhamacjja cutt'ayapjjamti, jan ucasti mä cunsa Tatiturojj churapjjam qhuyapayasiñapataqui. Uqhamatwa jumanacajj c'umarachatäjjapjjäta, amuyapjjaraquïta cunatsa uca jan walt'äwinacajj jutqui —sasa.

1 Samuel 6:9

Ucampisa wali uñch'uquipjjaraquim, uca carretatejj Bet-semes sat orakep tokeru sarjjanejja, ucapachajj yatiñäniw Israelan Diosapajj jiwasar mutuyatapa, ucampisa janitejj orakep tokeru sarcani ucapachajj yatiraquiñäniw mutuyäwisajj jan Israelan Diosapat jutatapa, jan ucasti mä jan walt'añaqui jiwasar jutatapa.