Éxodo 8:20 - Qullan Arunaca

²⁰ Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: ‘Tatitojj siwa: Antutjjam marcajjaru nayar yupaychiri sarjjapjjañapataqui.

Aymar Bibliia 1986

²⁰ Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: “Tatitojj siwa: ‘Antutjjam marcajjaru nayar yupaychiri sarjjapjjañapataqui.

Qullan Arunaka DC

²⁰ 20 (16) Tatitusti Moisesarux sänwa: —Qharürux willjtat faraonax jawirar sarani, ukhamasti jumax wali willjtat sartasin jupar sanim: “Tatitux akham siwa: ‘Markaxar khithanukxam nayar yupaychir sarxañapataki.

Éxodo 8:20 Jak'a apnaqawi uñst'ayäwi

Salmos 105:31

Diosajj arumpiquiw jach'a chhichhillanqhanac apayanïna, Egipto orakpacharuw chhichhillanqhamp phokhantayäna.

Salmos 78:45

Mich'isir chhichhillanqhanacamp jamp'atunacamp apayanïna, ucanacasti take cun mank'antapjjäna, tucjapjjaraquïna,

Éxodo 2:5

Uqhamäquipansti faraonan phuchapawa jawirar jarisiri jutäna, juparu sirviri tawakonacampi cuna, ucampis uca tawakonacajja jawir thiyan sarnakcasinjja totoranac taypincasquiri mä canasta uñjapjjäna, ucatsti faraonan phuchapajj maynïr sirviripwa qhitäna uca canasta apsuniñapataqui.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Éxodo 4:23

Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja’ —sasa.

Éxodo 5:1

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Éxodo 7:15

Arumanthi alwatasti, faraonajj cunapachatejj jawiraru sarcani ucqhasti jumajja jicjjatiriw saräta. Ucatjja Nilo sat jawir thiyaru purisajja ucatwa suyt'äta, ucampis cawquïr jach'a thujrumatejj catariru tucqui ucjja apasiraquïtawa.

Éxodo 8:1

Tatitusti Moisesarojj sänwa: —Faraonan ucar sarasinsti sätawa: ‘Tatitojj aqham siwa: Antutjjam marcajjaru nayar yupaychir sarjjapjjañapataqui.

Éxodo 8:21

Janitejj marcajjar antutcäta sarjjañapataqui ucajja, nayasti qhithanïwa take casta wila ch'amsuri jach'a chhichhillanqhanaca jumjjaru, sirvirinacamjjaru, take jakenacamjjaru, utanacamjjaru. Uca jach'a chhichhillanqhanacaw egipcionacan utanacaparu, uqhamarac orakenacarusa phokhantani.

Éxodo 9:13

Tatitusti Moisesarojj sascaquïnwa: —Arumanthisti alwata sartam, ucatsti faraonan ucar saram aqham sasa: ‘Hebreonacan Tatitu Diosapajja aqham siwa: ‘Antutjjam marcajjaru nayar yupaychiri sarjjapjjañapataqui.