Éxodo 8:22 - Qullan Arunaca

²² Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.

Aymar Bibliia 1986

²² Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.

Qullan Arunaka DC

²² 22 (18) Ukampisa, Gosen uraqin janiw ukax utjkaniti, markaxan ukan jakatap layku. Ukhamat yatïta naya, Tatitun aka uraqinkataxa.

Éxodo 8:22 Jak'a apnaqawi uñst'ayäwi

Génesis 46:34

ucapachasti jumanacajj sapjjamaya: ‘Nanacajj oveja awatirïpjjtwa nayra tiempotpacha’ sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Salmos 110:2

Tatitojj Sión kollutpach ch'aman cancañ thujru ayjjaruyätam. “¡Jumamp timasirinacarojj atipjamaya!

Salmos 74:12

Diosajjay, jumaw nayratpach reyïtajja, jumaw aca oraken walja cutinac atipjtajja.

Éxodo 10:23

Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Éxodo 12:13

‘Ucampis wilawa mä unanchäni jumanacajj cawquïr utancapcätatejj ucatjja. Nayasti wila uñjasinjja pasawayjjaquïwa, ucatsti janiw maynis jumanacatjja jiwcaniti, cunapachatejj egipcionacaru jiwaraycä ucqhajja.

Éxodo 19:5

Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 7:17

Uca laycusti Tatitojj siwa: ‘Jichhawa yatïtajja nayan cheka Tatitu Diosätajja. Cunapachatejj nayajj aca thujrojjampi jawirancqui uca umaru jisctä ucqhajja umanacajj wilaruw tucuni.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Éxodo 8:10

Faraonasti sänwa: —Kharürpacha mayipjjam —sasa. Ucatsti Moisesajj saraquïnwa: —Lurasiniwa mayitamarjamajja, uqhamatwa yatïta jan yakhajj utjatapa nanacan Tatitu Diosajj-jamajja.

Éxodo 8:21

Janitejj marcajjar antutcäta sarjjañapataqui ucajja, nayasti qhithanïwa take casta wila ch'amsuri jach'a chhichhillanqhanaca jumjjaru, sirvirinacamjjaru, take jakenacamjjaru, utanacamjjaru. Uca jach'a chhichhillanqhanacaw egipcionacan utanacaparu, uqhamarac orakenacarusa phokhantani.

Éxodo 8:23

Nayasti uñacht'ayäwa marcajjajja mayjätapa, marcamat sipansa, acsti arumanthiw luräjja’ —sasa.

Éxodo 9:26

Ucampis Gosén sat orakerusti cawqhancapcäntejj israelitanacajj ucqharojj janiw mä chhijchhis purcänti.

Éxodo 9:29

Moisesajj sänwa: —Nayasti aca marcat mistusinjja, amparajj loktasawa Tatiturojj mayëjja, ucatsti janiw utjcjjaniti khejjokhejjonacasa, ni chhijchhisa, ucatwa yatïta orakejj Tatituncatapa.

Éxodo 9:4

Ucampis Tatitojja israelitanacan uywanacapjja yakhachaniwa, egipcionacan uywanacapatjja, israelitanacan uywanacapajj janiw mayas jiwcaniti.’

Éxodo 9:6

Ucat khepärmanthisti Tatitojj luränwa arsutaparjamajja. Egipcionacan take uywanacapaw jiwarapjjäna, ucampis israelitanacan uywanacapasti janiw mayasa jiwcänti.

Ezequiel 30:19

Nayaw Egipto marcataqui arsüwi arunacarojj phokhäjja, ucapachaw yatipjjani nayan Tatitütajja.”

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.