Apocalipsis 7:16 - Qullan Arunaca Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti. Aymar Bibliia 1986 Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti. Qullan Arunaka DC Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti, |
Intejj janiw urojj ñankha lurcätamti, phajjsis janiraquiw arumajj camächcätamsa.
Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.
Jan uñch'uquipjjestati ch'iyarätajjata, lupiwa uqhama janchejjar nacsutu. Jilanacajjajj nayataquejj coleratäpjjewa, ucatsti uva yapunac uñjañ jaytapjjetu, ¡ucat uvas yapojjat armasta!
Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,
Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.
“Jan kollkeni pobre jakenacajj umwa thakapjje, janiw jicjjatapcaraquiti. Lajjranacapas umatjamajja, k'ala wañantataw uñjasi ucampisa naya Tatituw jupanacarojj uñjascä, naya, Israelan Diosapasti janiw jupanacarojj antutcäti.
“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.
Ucatpï Tatitojj sejja: “Sirvirinacajjajj mank'añanïsipcaniwa, ucampis jumanacajj mank'at awtjatäpjjatawa; jupanacataquejj umañajj utjascaniwa, ucampis jumanacajj umat pharjataw sarnakapjjäta; jupanacajj cusisitäpjjaniwa, ucampis jumanacajj mä p'enka jisc'achjataw uñjasipjjäta;
Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.
ucampis jan suma saphinïtap laycojja, janiw jaya acht'quiti. Cunapachatejj t'akhesiñanacajj uqhamarac jan walt'añanacas juti ucqhajja, janc'aquiw uca suma arunacatjja mayjt'asjje.
“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.
Ucampis jan suma saphintatätap laycusti, janiw ch'amani sayt'asipquiti. Cunapachatejj Diosan arunacap laycu t'akhesipjje, jan ucajj jakenacan uñisitas uñjasipjjejja, ucspachaw cutekjjapjje.
Ucampis cunapachatejj lupejj lupt'anjje ucqhajja, mäquiw wañsuwayjje jan suma saphintatätap laycu.
Mank'at awtjatanacarusti asquimpiw phokt'i, kamirinacarusti jan cunanwa qhitanucu,
“Cusisiñanïpjjtaw jichha awtjayasirinacajja, jumanacasti sist'atäjjapjjätawa. “Cusisiñanïpjjtawa jichha jachirinacajja, kheparusti larusipjjätawa.
Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.
Cunapachatejj intejj jalsuni ucatsti wal lupt'ani ucqhajja, korajj wañsjjaquiwa, pankarapasti jalaktjjaquiraquiwa, uqhamwa sumäñapajj tucusjje. Uqhamaraquiw kamir jakejj tucusini luräwinacapamp chica.
Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.