Apocalipsis 7:16 - Qullan Arunaka DC

¹⁶ Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti,

Aymar Bibliia 1986

¹⁶ Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti.

Qullan Arunaca

¹⁶ Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti.

Apocalipsis 7:16 Jak'a apnaqawi uñst'ayäwi

Salmos 121:5

Tatituw juman imirimaxa; jupaw juman jak'amankaski.

Salmos 121:6

Urux janiw intix ñanqhachkätamti, arumas janirakiw phaxsix kamachkätamsa.

Salmos 143:6

Juma tuqiruw amparanakax luqtansma, waña uraqir uñtataw jumatjam pharjayasta.

Salmos 42:2

2 (3) Nayax jakkir Diosat pharjatätwa: ¿Kunapacharak Diosan nayraqatapar uñstir sarästi?

Salmos 63:1

1 (2) ¡Diosaxay, jumaw Diosaxätaxa! Jumarux walpun thaqsma, ajayuxax jumatjam pharjatawa; taqi chuymapuniw jumarux munsma, jan umani, jan jakañan waña uraqir uñtata.

Cantar de los cantares 1:6

Janiy ch'iyär janchinïtaxa uñch'ukipxamti, lupiw janchixar ukham naksutu. Jilanakaxax nayatakix thithitäpxiwa, uva yapunak uñjayapxitu, ¡uva yapuxasti apanukutaw uñjasi!

Isaías 25:4

Jumax jan kunaninakaruw arxattaxa, khititix aynacht'atäki ukarus arxataraktawa, jan walt'añan jumaw arxattaxa lupinsa jumaw ch'iwiñcht'araktaxa. Qhuru jaqinakan samanapasti thaya pachan jach'a thayar uñtatawa,

Isaías 32:2

Uñisirinakapar arxatañatakiw sayt'asipxani, jan wali urunakat imañataki, ñanqha luräwinakat imañataki.

Isaías 41:17

“Jan yänakani jaqinakax uma thaqapxi, janiw jikxatapkiti. Laxranakapas umatjamaxa, q'ala wañantataw uñjasi; ukampis naya Tatituw jupanakarux uñjaskä, naya, Israelan Diosapasti janiw jupanakarux antutkäti.

Isaías 49:10

“Janiw manq'at awtjayaskxapxaniti, umatsa pharjayaskxapxaniti, janirakiw lupisa, junt'usa qhatintkxaniti, nayaw jupanakar munta ukat irpta, jalkiri uma thiyanakaruw irparakï.

Isaías 65:13

Ukatpï Tatitux sixa: “Luqtirinakaxax manq'añanïsipkaniwa, jumanakasti janiw manq'añanïpkätati; luqtirinakatakix umañax utjaskaniwa, jumanakasti umat pharjataw sarnaqapxäta; jupanakax kusisitäpxaniwa, jumanakasti mä p'inqa jisk'achjataw uñjasipxäta;

Jonás 4:8

Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Mateo 13:21

jan suma saphinïpxatap laykusti, janiw sum sayt'asipkiti; kunapachatix Diosar arkapxatap layku t'aqhisiñanakasa, jan walt'añanakas jutchi, ukkhax jank'akiw uka suma arunakat mayjt'asxapxi.

Mateo 13:6

inti lupt'anipansti, pharsuwayxänwa, jan suma saphinïtap laykusti, wañsuwayxänwa.

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Marcos 4:17

ukampis jan suma saphintatätap laykux jan ch'amaniw sayt'asipxi; kunapachatix Diosan arunakap layku t'aqhisipki, jan ukax jaqinakan uñisitas uñjasipki ukkhax, ukspachaw kutiqtawayapxi.

Marcos 4:6

kunapachatix lupix lupt'ankän ukkhasti, mäkiw wañsuwayxäna jan suma saphintatätap layku.

Lucas 1:53

Manq'at awtjatanakarux askimpiw phuqt'i, qamirinakarusti jan kunan khithanuku.

Lucas 6:21

“Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.

Apocalipsis 21:4

Jupaw taqi jachanakap nayranakapat picharani, janirakiw jiwañasa, jachañasa, warariñasa, usuyasiñas utjkxaniti, taqi kunanakatix nayrax utjkän ukanakax tukusxiwa” sasa.