Apocalipsis 7:16 - Qullan Arunaca

¹⁶ Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti.

Aymar Bibliia 1986

¹⁶ Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti.

Qullan Arunaka DC

¹⁶ Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti,

Apocalipsis 7:16 Jak'a apnaqawi uñst'ayäwi

Salmos 121:5

Tatituw juman imirimajja, jupaw juman jac'amancasqui.

Salmos 121:6

Intejj janiw urojj ñankha lurcätamti, phajjsis janiraquiw arumajj camächcätamsa.

Salmos 143:6

Juma tokeruw amparanacajj loktansma, waña oraker uñtataw jumatjam pharjayasta.

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Salmos 63:1

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Cantar de los cantares 1:6

Jan uñch'uquipjjestati ch'iyarätajjata, lupiwa uqhama janchejjar nacsutu. Jilanacajjajj nayataquejj coleratäpjjewa, ucatsti uva yapunac uñjañ jaytapjjetu, ¡ucat uvas yapojjat armasta!

Isaías 25:4

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Isaías 32:2

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

Isaías 41:17

“Jan kollkeni pobre jakenacajj umwa thakapjje, janiw jicjjatapcaraquiti. Lajjranacapas umatjamajja, k'ala wañantataw uñjasi ucampisa naya Tatituw jupanacarojj uñjascä, naya, Israelan Diosapasti janiw jupanacarojj antutcäti.

Isaías 49:10

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Isaías 65:13

Ucatpï Tatitojj sejja: “Sirvirinacajjajj mank'añanïsipcaniwa, ucampis jumanacajj mank'at awtjatäpjjatawa; jupanacataquejj umañajj utjascaniwa, ucampis jumanacajj umat pharjataw sarnakapjjäta; jupanacajj cusisitäpjjaniwa, ucampis jumanacajj mä p'enka jisc'achjataw uñjasipjjäta;

Jonás 4:8

Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Mateo 13:21

ucampis jan suma saphinïtap laycojja, janiw jaya acht'quiti. Cunapachatejj t'akhesiñanacajj uqhamarac jan walt'añanacas juti ucqhajja, janc'aquiw uca suma arunacatjja mayjt'asjje.

Mateo 13:6

Inti lupt'anïpansti pharsuwayjjewa, jan suma saphinïtap laycu.

Mateo 5:6

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Marcos 4:17

Ucampis jan suma saphintatätap laycusti, janiw ch'amani sayt'asipquiti. Cunapachatejj Diosan arunacap laycu t'akhesipjje, jan ucajj jakenacan uñisitas uñjasipjjejja, ucspachaw cutekjjapjje.

Marcos 4:6

Ucampis cunapachatejj lupejj lupt'anjje ucqhajja, mäquiw wañsuwayjje jan suma saphintatätap laycu.

Lucas 1:53

Mank'at awtjatanacarusti asquimpiw phokt'i, kamirinacarusti jan cunanwa qhitanucu,

Lucas 6:21

“Cusisiñanïpjjtaw jichha awtjayasirinacajja, jumanacasti sist'atäjjapjjätawa. “Cusisiñanïpjjtawa jichha jachirinacajja, kheparusti larusipjjätawa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Santiago 1:11

Cunapachatejj intejj jalsuni ucatsti wal lupt'ani ucqhajja, korajj wañsjjaquiwa, pankarapasti jalaktjjaquiraquiwa, uqhamwa sumäñapajj tucusjje. Uqhamaraquiw kamir jakejj tucusini luräwinacapamp chica.

Apocalipsis 21:4

Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.