Apocalipsis 11:1 - Qullan Arunaca

Ucatsti mä lawaraqui churapjjetu, tupt'añ lawar uñtata, sapjjaraquituwa: “Sartam, ucatsti Tatitun templopa tupt'anim, uqhamarac altarapsa, cawkhatejj ucan yupaychapqui take ucanacsa jact'aniraquim.

Aymar Bibliia 1986

Ucatsti mä lawaraqui churapjjetu, tupt'añ lawar uñtata, sapjjaraquituwa: “Sartam, ucatsti Tatitun templopa tupt'anim, uqhamarac altarapsa, cawkhatejj ucan yupaychapqui take ucanacsa jact'aniraquim.

Qullan Arunaka DC

Ukatsti tupt'añ lawa churapxitu, suqusar uñtata, ukat sapxarakitu: “Sartasim, Tatitun utap tupt'anim, altar tupt'arakim, ukatsti qawqhanitix ukan yupaychapki taqi jupanakar jakt'anim.

Apocalipsis 11:1 Jak'a apnaqawi uñst'ayäwi

Isaías 28:17

Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Números 33:18

Hazerot sat chekat mistuwayasajj Ritma sat chekaruw sayt'apjjäna.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 10:11

Ucatsti sapjjaraquitänwa: “Jichhajj wastat parlañamawa cuntejj Diosajj sisqui take marcanacata, take casta parlani jakenacata, uqhamarac jach'a reyinacatsa uca” sasa.

Apocalipsis 21:15

Nayampi parlcän uca angelasti mä kori vara ayt'atänwa uca marca tupt'añataqui, puncunacapa, perkanacapsa.