Apocalipsis 10:11 - Qullan Arunaca

¹¹ Ucatsti sapjjaraquitänwa: “Jichhajj wastat parlañamawa cuntejj Diosajj sisqui take marcanacata, take casta parlani jakenacata, uqhamarac jach'a reyinacatsa uca” sasa.

Aymar Bibliia 1986

¹¹ Ucatsti sapjjaraquitänwa: “Jichhajj wastat parlañamawa cuntejj Diosajj sisqui take marcanacata, take casta parlani jakenacata, uqhamarac jach'a reyinacatsa uca” sasa.

Qullan Arunaka DC

¹¹ Ukat sapxitu: “Jichhax Diosan amtäwinakap walja markanakankir jaqinakar yatiyañamawa, kunayman parlani jaqinakaru, reyinakaru” sasa.

Apocalipsis 10:11 Jak'a apnaqawi uñst'ayäwi

Jeremías 25:13

Uca marcjjarusti take cunatejj kellkatäqui aca librona uqhamaraqui cunanactejj yatiycta take ucanacwa puriyanëjja; take cunanactejj Jeremiasajj nayan sutejj-jjaru take marcanacaru yatiycäna ucanaca.

Ezequiel 37:4

Tatitusti saraquituwa: —Aca ch'aqhanacarojj nayan sutejjaru parlam; saraquim: ‘Waña ch'aqhanaca, Tatitun aca arunacap ist'apjjam’ sasa.

Ezequiel 37:9

Ucatsti Tatitojj saraquituwa: “Nayan sutejjaru jacañ samanaru parlam; aqham saraquim: ‘Aqham siw Tatitojja: Jutam, jacañ samana, pusi toketpach sarthapinipjjam, aca jiwatanacaru jacañ churaraquim’ ” sasa.

Apocalipsis 10:10

Ucatwa uca jisc'a libro catta, angelan amparapat apakasinsti mank'antaractwa; lacajjansti misq'ir uñtata wali mojjsapunïnwa, puracajjansti wali c'allc'üjjaraquïnwa.

Apocalipsis 11:1

Ucatsti mä lawaraqui churapjjetu, tupt'añ lawar uñtata, sapjjaraquituwa: “Sartam, ucatsti Tatitun templopa tupt'anim, uqhamarac altarapsa, cawkhatejj ucan yupaychapqui take ucanacsa jact'aniraquim.

Apocalipsis 11:9

Quimsa uru chicaniraquiwa take casta jakenaca, cunaymani parlani jakenaca, take marcanacata ucanacaw uca jiwatanacjja uñjapjjani, janiraquiw imantayapcaniti.

Apocalipsis 14:6

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.

Apocalipsis 17:10

Uqhamaraqui uca pachpa p'ekenacajja pakallko reyinacaruraquiw uñtasi. Uca reyinacatjja pheskanejj jiwaratäjjewa, maynisti jichhajj reyïsquiwa, maynisti janïraw jutquiti. Khepa reyïcani ucajj janiw jaya urunaca apnakcaniti.

Apocalipsis 17:12

“Tunca wajjranaca uñjctas ucajja, jutiri tunca reyinacäsquiwa. Jupanacasti janïraw reinapquiti, ucampis mä horataquiquiw munañanïpjjani uca jach'a ajjsarcañ animalamp chica.

Apocalipsis 17:15

Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.