2 Samuel 23:1 - Qullan Arunaca

Acanacaw Davidan khepa arunacapajja: “David, Isaí chachan yokapa, Diosan jach'aru aptata jake, Jacob chachan Diosapan ajllisit reyi, Israelan suma k'ochunacap k'ochuri, jupasti aqham saraquiwa:

Aymar Bibliia 1986

Acanacaw Davidan khepa arunacapajja: “David, Isaí chachan yokapa, Diosan jach'aru aptata jake, Jacob chachan Diosapan ajllisit reyi, Israelan suma k'ochunacap k'ochuri, jupasti aqham saraquiwa:

Qullan Arunaka DC

Aka arunakax Davidan qhip qhipa arunakapawa: “David, Jesé chachan yuqapa, Tatitun jach'ar aptat jaqi, Jacob chachan Diosapan ajllisit reyi, Israelan suma q'uchunakap q'uchuri, jupasti siwa:

2 Samuel 23:1 Jak'a apnaqawi uñst'ayäwi

Génesis 49:1

Jacobosti wawanacaparuw jawsäna, ucatsti saraquïnwa: “Jac'achasinipjjam, cunatejj acat kheparojj lurascani uc sapjjäma:

2 Samuel 22:34

jupaw tarujan cayupjam jaltir cayunac churitu, alajj chekawjanacan cayunacajjar sum thuruñcharaqui,

2 Samuel 22:51

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.”

1 Crónicas 16:7

Davidajj qhä kallta urunjja Asaf chachampir masinacapampirojj aqham Tatituru yuspagarapjjañapataquiw yatiyäna.

1 Crónicas 16:9

K'ochupjjam jupar jach'añchasa. ¡Parlapjjam jach'a luratanacapata!

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 72:20

Acawjaruw Isaí chachan David yokapan mayisitanacapajj tucusjje.

Salmos 89:20

¡David uywatajjaruw jicjjatta! kollan aceitemp jawintasaw reyit utt'ayta;

Salmos 89:21

yanapajjajj janipuniw jupatac pist'caniti, ¡ch'amajjampiw jupar ch'amañchä!,

Amós 6:5

Pinquillu phust'asaw cunayman k'ochupjje; David quipcaquiraquiw tocañ instrumentonacsa lurapjjaraqui;

Lucas 20:42

David quicpaw saraqui, Salmos libronjja: ‘Tatitojj siwa Tatitojjarojja: Cupëjjajjaru kont'asim,

Lucas 24:44

Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

Colosenses 3:16

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

Santiago 5:13

Jumanacattejj maynejj t'akhesiscchejja, oración lurañapawa. Maynitejj cusisitaraquïchejja, k'ochuñapawa.

1 Samuel 17:12

Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.

1 Samuel 18:7

Uqham k'ochcasinsti, uqhamarac thokcasinsa, warminacajj aqham sasaw sapjjäna: “Saúl reyejj waranka jakenac jiwarayi; Davidasti tunca waranka jakenaca jiwarayaraqui” sasa.

1 Samuel 2:10

Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”