1 Samuel 17:12 - Qullan Arunaca

¹² Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.

Aymar Bibliia 1986

¹² Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.

Qullan Arunaka DC

¹² Mä jaqiw Belén markan utjäna Jesé sutini, Saúl reyin urunakapansti jupax niya awkïxänwa. Uka jaqisti kimsaqallqu yuqanakanïnwa, maynïristi David satänwa.

1 Samuel 17:12 Jak'a apnaqawi uñst'ayäwi

Génesis 35:19

Uqhamaw Raquelajj jiwjjäna, Efrata sisqui uca thaquiruw imjjapjjäna, ucasti jichhajj Belenäjjewa.

2 Samuel 23:1

Acanacaw Davidan khepa arunacapajja: “David, Isaí chachan yokapa, Diosan jach'aru aptata jake, Jacob chachan Diosapan ajllisit reyi, Israelan suma k'ochunacap k'ochuri, jupasti aqham saraquiwa:

Salmos 132:6

Efrata chekawjan arust'äwit ist'apjjta, Jaar oraken uc jicjjatapjjaracta.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Mateo 1:6

Isaí satäquis ucajja rey Davidan awquipänwa, rey Davidasti Salomonan awquiparaqui, Salomonan taycapasti Urías chachan warmipänwa.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 2:6

‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Rut 4:17

Uqham uñjasinjja, uta jac'anquir warminacajj sapjjänwa: —¡Noemïtaquejja mä wawaw naciwayi! —sasa. Ucarusti Obed sasaraquiw sutiyapjjäna. Jupasti Isaí chachan awquipänwa, uqhamarac rey Davidan achachilaparaqui.

1 Samuel 1:1

Efraín kollunac tokena Ramá sat chekana, mä chachaw jacäna, Zuf sisqui uca familianquiriraqui, sutipasti Elcana satänwa. Jeroham chachan yokapänwa, Eliú sat jaken allchhiparaqui. Achachilapan awquipasti Tohu satänwa, ucasti Zuf sisqui ucan yokaparaqui, Efraín tribunquirinacaraquïnwa.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.

1 Samuel 17:11

Saúl reyisti, uqhamarac take israelita jakenacasa uca arunac ist'asajj, ch'ama jiwt'ayasipjjäna, ucat wali ajjsarapjjäna.

1 Samuel 17:58

Saúl reyisti jisct'araquïnwa: —Wayna, avisita, ¿qhitin yokapätasa? —sasa. Davidasti saraquïnwa: —Nayajj Belenanquiri Isaí sirviriman yokapätwa —sasa.