1 Samuel 2:10 - Qullan Arunaca

¹⁰ Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”

Aymar Bibliia 1986

¹⁰ Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”

Qullan Arunaka DC

¹⁰ Tatituw uñisirinakaparux jisk'a jisk'a tukjani, jupanakxarux alaxpachatpach q'ixu q'ixunak apayanini. Tatituw taqi akapachar taripani; Jupan ajllit reyirusti ch'amancharakiniwa, ch'amapasti juk'ampiw jiltarakini.”

1 Samuel 2:10 Jak'a apnaqawi uñst'ayäwi

2 Samuel 22:14

“Alajjpachanquir Tatitojj alajjpachatpach ajjsarcañ jach'a arup ist'asiyäna.

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

2 Samuel 7:8

Uca laycu, David sirvirejjarojja sascaquim, naya take ch'amani Tatitun arsutajja: ‘Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

Job 40:9

¿Jumasti nayjama ch'amanïtati? ¿Cuncamasa nayan cuncajj-jjama jach'ata arsuriraquiti?

Salmos 132:17

Davidan ch'amap wasitat sartayä, ajllit reyejjataquejj mä khan khantayarapï.

Salmos 148:14

¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan!

Salmos 2:2

Acapach reyinacajj mayachthapisipjjewa, jilïr jakenacajj mä amtañaruquiw puripjje: Tatitumpiru, ajllit reyipampir kallcatañataqui.

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Salmos 20:6

Jichhacuchaw yattjja: Tatitojj ajllit reyiparuw atipjayi, kollan alajjpachatpach juparojj ist'i, atipir amparapamp muspharcañanac luri.

Salmos 20:7

Yakhepanacajj nuwasiñ carronacaruw alcatapjje, yakhanacasti walja caballonacaruw chuym uchapjje; jiwasanacasti Tatit Diosasaruw art'asipjjtan.

Salmos 21:1

¡Tatay, reyejj ch'am churatamat walpun cusisi, atipjayatamat wali cusisitawa!

Salmos 28:8

Tatituw marcapar ch'amañchirejja, juparaquiw ajllit reyipar yanapirisa, arjjatirisa.

Salmos 45:7

Asqui cancañarojj munastawa, ñankharusti uñistawa: ucat Diosamajj jumar ajllistam, masinacam taypin cusisiñampiw phokhanttam.

Salmos 89:17

Jumaw ch'amapätajja, aytat cancañapätasa, qhuyapayasiñam laycuw ch'amanacajjajj jiljjati.

Salmos 89:24

Munasiñajjampi, asqui cancañajjamp catokani, sutejj laycuw ch'amapajj jiljjatani.

Salmos 89:25

Ch'amapampi, apnakañ cancañapamp thurt'ayä, Mediterráneo lamar kotat kalltasa, Eufrates jawircam puriyasa.

Salmos 96:13

Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani.

Salmos 98:9

orak apnaker jutir Tatitutaqui. Jupaw chekapar uñjañampejj oraker apnakani, marcanacarusti chekaparuw qhusqhac uñjani.

Éxodo 15:6

Tatitu, jumasti cupi amparaman ch'amapampiw uñisirinacarojj tucjtajja.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Isaías 32:1

Mä reyiw utjani, jupasti chekaparuraquiw apnakani, marca apnakerinacasti cheka uñjäwimpiw apnakapjjaraquini.

Isaías 45:24

sapjjaraquiniwa: ‘Tatitunacwa atipjañasa, ch'amasa utji’ sasa. Take qhitinacatejj uñisipquitu ucanacajj jisc'achataw uñjasipjjani.

Ezequiel 29:21

“Uca urunacansti nayaw Israel marcarojj juc'ampi ch'ama yapt'araquëjja, ucampis jumajj, Ezequiel, jupanacampejj khanwa parlaraquïta. Ucapachaw yatipjjani nayajj Tatitu Diosätajja.”

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Lucas 1:69

Mä ch'aman Khespiyiri churistu David sirviripan wawanacap taypita,

Lucas 19:27

Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Jueces 5:31

“¡Dios Tatitu, uqhama tucjatäpana jumaru take uñisirinacajja, ucampis jumaru take munirinacasti waliraqui khanapjjpan cunjämtejj intejj khanqui uqhama!” Uca khepatsti uca orakenjja samarañaw utjäna pusi tunca maranaca.

1 Samuel 12:13

Ucampisa jichhajj acajj jumanacan ajllit reyejja. Tatitojj churapjjtamwa cuna reytejj mayipcta uca.

1 Samuel 12:17

Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

1 Samuel 12:18

Ucspachaw Samuelojj Tatitur mayïna, ucatsti jupajj ucspachaw khejjokhejjonacampi jallumpi apayanïna, uqhamasti take jakenacaw wali Tatituru, uqhamarac Samuelorus ajjsartapjjäna,

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 7:10

Cunapachatejj Samuelojj sacrificio Tatitur loktascän ucapachaw filisteonacajj israelitanacaru nuwarañataqui jutapjjäna, ucatwa Tatitojj jupanacarojj mä jach'a khejjo khejjo apayani, ucatsti wali sustjasipjjaraquïna, uqhamatwa israelitanacajj atipjapjjaraquïna.