2 Samuel 19:5 - Qullan Arunaca

Joab chachasti palacioruw sarawayäna, ucatsti saraquïnwa reyirojja: “Juma, jach'a reyejj, nanaca sirvirimarojj p'enkachapjjestawa, uca sirvirinacamasti juma jach'a reyina, uqhamaraqui wawanacaman jacañapwa khespiyapjjejja, uqhamaraqui phuchanacamarusa, warminacaparusa.

Aymar Bibliia 1986

Joab chachasti palacioruw sarawayäna, ucatsti saraquïnwa reyirojja: “Juma, jach'a reyejj, nanaca sirvirimarojj p'enkachapjjestawa, uca sirvirinacamasti juma jach'a reyina, uqhamaraqui wawanacaman jacañapwa khespiyapjjejja, uqhamaraqui phuchanacamarusa, warminacaparusa.

Qullan Arunaka DC

5 (6) Joab chachasti reyi utar sarasin reyir sarakïna: —Jichhürux juma, reyix, taqpach yanapirinakamaruw p'inqachapxistaxa, jupanakaw jakañam qhispiyapxtam, ukhamaraki wawanakamana, phuchhanakamana, uñt'at warminakaman jakañap qhispiyapxi.

2 Samuel 19:5 Jak'a apnaqawi uñst'ayäwi

2 Samuel 15:30

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

2 Samuel 18:17

Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 19:4

Uccañcamasti reyejj ajanupa imt'asajj, jach'at arnakasïna: “¡Absalón wawajja! ¡Absalón wawajja, nayan wawajja!” sasaw jachäna.

2 Samuel 19:6

Juma jach'a reyisti jichhürojj uñacht'ayaractawa, nanaca jach'a jilïri oficialanacamajj janiw jumataquejj cunäpctsa; jumasti qhitinacatejj uñisipctam ucanacarusti munaractawa, qhitinacatejj munapctam ucanacarusti uñisiractawa. Jichhüruw nayajj amuyta, juma jach'a reyitaquejj Absalonan jacascañapaw asquïspajja, take nanacajj jiwaratäpquirista ucasa.

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

Nehemías 9:27

Ucatwa jumajj uñisirinacapan amparanacaparojj catuytajja jupanacar t'akhesiyapjjañapataqui. Ucatsti jupanacajj uqham t'akhesiyatäsinwa jumarojj yanapa mayipjjtamjja, ucampis jumajja jach'a qhuyapayasiñama laykojja, alajjpachatpachwa ist'tajja; ucatjja churtawa jakenaca t'akhesiyiripan amparapat khespiyapjjañapataqui.

Salmos 3:8

Tatay, jumaw khespiyirïtajja; ¡marcamarojj asquinacampiy phokhantam!