2 Samuel 15:30 - Qullan Arunaca

³⁰ Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

Aymar Bibliia 1986

³⁰ Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

Qullan Arunaka DC

³⁰ Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

2 Samuel 15:30 Jak'a apnaqawi uñst'ayäwi

2 Samuel 15:29

Sadoc chachampi Abiatarampisti Diosan arcapjja Jerusalén marcaruw cuttayjjapjjäna, ucaruw kheparapjjaraquïna.

2 Samuel 19:4

Uccañcamasti reyejj ajanupa imt'asajj, jach'at arnakasïna: “¡Absalón wawajja! ¡Absalón wawajja, nayan wawajja!” sasaw jachäna.

2 Samuel 19:5

Joab chachasti palacioruw sarawayäna, ucatsti saraquïnwa reyirojja: “Juma, jach'a reyejj, nanaca sirvirimarojj p'enkachapjjestawa, uca sirvirinacamasti juma jach'a reyina, uqhamaraqui wawanacaman jacañapwa khespiyapjjejja, uqhamaraqui phuchanacamarusa, warminacaparusa.

Ester (hebreo) 6:12

Uqham muytäwi tucutatsti Mardoqueojj cutt'anjjänwa palacio puncuru. Ucata Amán chachajj janc'aquiw utapar cutt'awayjjäna wali llact'ata, uqhamarac ajanup imantasisa.

Salmos 42:3

Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.

Salmos 43:5

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta. ¡Jupaw cusisiñajjasa, Diosajjasa!

Ezequiel 24:17

T'akhesiñansti amuqui t'akhesim, janiraqui lutt'asimti cunjämatejj jiwatanacatjja lutt'asipjje uqhama. Jan k'ara p'eke sarnakamti, janiraqui k'ara cayusa saramti; ajanumsa jan ch'okantasimti mä cunatsa t'akhescasma uqhama, uca horasanacan mank'aña t'ant'sti janiraqui mank'amti.”

Ezequiel 24:23

Janiraquiw k'ara p'ekesa, k'ara cayusa sarnakcjjapjjätati. Janiraquiw jaqhusjjapjjätasa, ni jachcjjapjjaraquïtasa. Ñankha juchanac lurapjjatam laycusti jan ch'amaniw uñjasipjjäta, ucatsti jumanaccamaw jachapjjaraquïta.

Zacarías 14:4

Uca uruw Tatitojj cayup tact'asinejja Olivos kollu patjjarojja, ucasti Jerusalén uñcatasinquiwa, inti jalsu tokena. Mä jach'a valleraquiw jist'artaraquini inti jalsut jalanta tokeru, payaruraquiw jaljtayanejja Olivos kollurojja. Chicat kollusti jitt'araquiniwa amsta tokeru, maynïr chicatasti aynacha tokeruraqui.

Mateo 5:4

“Cusisiñanïpjjew jachirinacajja, jupanacasti Diosampi chuymachatäpjjaniwa.

Lucas 19:29

Cunapachatï Betfagé uqhamarac Betania uca marcanacar purjjäna, Olivos sat kollu jac'ana ucapachasti, discipulonacapat paniniruw qhitäna,

Lucas 19:37

Olivos kollu sarakañar jac'achasisinjja, takeni arcapcänsa ucanacajj cusisiñat jach'at art'añ kalltapjjäna, uqhamarac Diosar yupaychañsa take uñjapcataynas uca milagronacata.

Lucas 19:41

Jerusalén marca jac'ar purisinsti, Jesusajj marca uñjasinjja jachänwa,

Lucas 21:37

Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Lucas 22:39

Ucapachaw Jesusajj mistuwayjjäna, cunjämtejj lurapjjerïcän uqhamaru, Olivos sat kolluruw sarjjäna, discipulonacapasti arcapjjaraquïnwa.

Hechos 1:12

Ucanac pasjjepansti, Olivos sat kollutjja Jerusalenaruw cutt'jjapjjäna. Uca kollusti Jerusalenatjj jac'ancaquiwa, mä chica tupun chicataparjama.

Romanos 12:15

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.

1 Corintios 12:26

Cuerposan mayawjatejj t'akheschi ucqhajj takpacharaquiw t'akhesi, mayawjatejj suma yäkatächejja, takpacharaquiw cusisipjje.