2 Samuel 15:31 - Qullan Arunaca

³¹ Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

Aymar Bibliia 1986

³¹ Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

Qullan Arunaka DC

³¹ Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 15:31 Jak'a apnaqawi uñst'ayäwi

2 Samuel 15:12

Uqhamaraquiw Absalonajj Davidan mayni amuyt'ayiriparuw jawsayaniraquitayna, uca amuyt'ayiripasti Ahitofel satänwa; ucasti Gilo sisqui uca pachpa marcapanwa jacaraquïna, jupampïñapataqui, sacrificio loktcän ucapacha. Uqhamasti David contra sayt'asiñajj wali ch'amampiw jiltascäna, walja jakenacaraquiw Absalonarojj niya jakcattasipcäna.

2 Samuel 16:23

Uca tiemposti Ahitofel jakeru mä ewjja mayiñasti, pachpa Diosarus maycsna uqhamänwa. Ahitofel jakesti, Davidansa uqhamaraqui pachpa Absalonansa wali yäkataraquïnwa.

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Samuel 17:5

Ucampisa Absalonajj arquita Husai jaquiruw jawsayaniraquïna, jupajj cuntejj amuyt'qui uca sañapataquiraqui.

2 Samuel 17:7

Husai chachasti saraquïnwa: —Jichhamänjja, Ahitofelan amtatapajj janiw walïquiti.

Job 5:12

jupaw ñankha jakenacan amtatanacapjja t'unatati, ucatsti jupanacarojj aynacht'ayaraquiwa.

Salmos 109:3

uñisisiñ arunacampiw muyuntayapjjetu, ina ch'usat nayatac sayt'apjje.

Salmos 3:1

Tatay, waljaniw nayamp timasirinacajja, waljaniw nayataquejj sayt'apjje;

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Salmos 55:10

uruy arumaw marca taypin muyupayapjje; marcansti jake jiwayañamp ñankha amtañampiquiw utji, ñankha lurañanacaquiw utjaraqui,

Salmos 55:12

Uñisirejjatejj tokenoketaspajja, amuquïsquiristwa; timajjatejj nayatac sayt'aspajja, jupataquejj imantasjjeristwa;

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.

1 Corintios 1:20

Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

Santiago 3:15

Uca casta yatiñasti janiw Diosat jutquiti, jan ucasti acapach yatiñ cancañaquiwa, jaken amuyt'apaquiraquiwa, pachpa supayat jutaraqui.