2 Samuel 16:1 - Qullan Arunaca Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui. Aymar Bibliia 1986 Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui. Qullan Arunaka DC Davidax ukkhakiw uka qullut mä juk'amp sartaskäna, ukapachaw Mefi-bóset jaqin uywatapa, Sibá sat jaqix jupar jikxatäna, pä asno ant'ata, uka asnonakasti pä patak t'ant'ampi, waña uvanakat lurat patak tortampi, patak muxsa achunakampi, vino lip'ichi wayaqampi khumxatatänwa. |
Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.
Davidasti kollu pataru purisinsti, cawqhantejj Diosaru yupaychapjjerïcäna ucawjana, arquitas sat tributa mayni jakew jicjjatiri jutäna, Husai satänwa, isinacapas ch'iyanokata, p'ekepas lak'ampi jach'jjatataraqui.
Jupampi chicasti, Benjamín tributjja waranka jakenacaw sarapjjaraquïna. Uqhamaraqui Siba sat jakesa, cawquïritejj Saúl reyin familiapan uywatapäcaraquïna ucasa tunca pheskani yokanacapampi, pä tunca esclavonacapampi cunaraquiw Jordán jawira chekarojj purintanïna, janïra reyejj purinquipana.
Uca jakesti sinti chuymanëjjataynawa, quimsakallko tunca maraniraqui, cunapachatejj reyejj Mahanaim chekanccäna ucapachasti reyirojj take cunwa churaraquitayna, wali kamirïtap laycu.
Uqhamaraquiwa jac'anquiri masinacapasa Isacar ucatsa, Zabulón, uqhamarac Neftalí ucatsa mank'jja apapjjäna asnonacata, camellonacata, mulanacata, uqhamarac orko vacanacatsa. Jupanacasti cunayman mank'añanacwa apapjjäna, jac'u, higota tortanaca, pasas, vino, aceite, uywanacatjja orko vacanaca, ovejanaca; take cunsa jilarquirwa apapjjäna, Israel marcpachana wali cusisiña utjatap laycu.
Mä wajjt'äwi churatapampejja cawqhacamas mantascaquispawa, uqham luratapampejja jilïrinacan ucarus puriscaquiwa.
Nayasti aca Mizpa sat chekaruraquiw khepararaquï jumanacat arsuñataqui caldeonac nayrakatana, cunapachatejj jupanacajj acaru jutapjjani ucapacha. Jumanacasti vino, aceite, achunaca apthapiñaru uscusipjjam uqhamaraqui ucanacjja wali imcatapjjam, uqhamanacwa jacapjjäta, cawquïri marcanactejj catusipjjta ucanacanjja” sasa.
Uqhamasti Judá orakercamaw cuttanjjapjjäna take chekanacata cawcsanacarutejj aywinucuwayapcatayna ucsanacata, ucatsti Gedaliasan nayrakataparuw uñstapjjäna Mizpa chekana. Jupanacasti uqhamaraqui walja vino, uqhamaraqui achunaca imcatapjjaraquïna.
“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.
Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.
Ucat Isaí chachajj David yokaparojj Saúl reyin ucaruw qhitanïna. Jupampi chicasti mä asno irpayaraquïna, t'ant'as qhumt'ata, mä lip'ichi wayaka vinompi, mä cabritompi cuna.
Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.