1 Samuel 10:3 - Qullan Arunaca

³ Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.

Aymar Bibliia 1986

³ Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.

Qullan Arunaka DC

³ Juk'amp sarkasinsti, Tabor quqa chiqar purkät ukkhasti, kimsa chachanakaw jumar jikxatir mistunipxani, jupanakasti Betel markaruw Diosar yupaychiri makhatasipkani. Maynix kimsa cabrito irpt'ata, maynisti kimsa t'ant'a apt'ata, maynïristi mä lip'ichi wayaqaru vino apt'ataraki.

1 Samuel 10:3 Jak'a apnaqawi uñst'ayäwi

Génesis 28:19

Uca chekansti nayrajj mä marcaw utjatayna, ucasti khana marca satänwa, ucampis Jacobojj uca marcan sutipjja trocänwa Betel sutimpi.

Génesis 28:22

Aca kala acqhar mä pilarar uñtata sayt'aycta ucasti Diosan utapäniwa. Dios Tata, cuntejj churquitäta ucatsti sapa tuncat maya churapunïmawa” sasa.

Génesis 35:1

Diosasti Jacoborojj sänwa: “Sartasim, ucatsti Betel chekaru jacasir sarjjam. Ucanwa mä altar luräta, cawquïri Diosatejj, Esaú jilamat jaltcayäta, ucqhajj uñstctam uca Diosaru” sasa.

Génesis 35:3

Janc'aqui Betel oraker sarjjañäni, ucanwa nayajj mä altar sayt'ayä cawquïri Diosatejj nayaru llaquisiñ horasajjan yanapquitäna, uqhamaraqui cawquirutejj sarcta ucan nayampi chicäcaraquïna uca Diosar yupaychasa —sasa.

Salmos 89:12

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Jeremías 32:8

Cunjämatejj Tatitojj sitänjja, uqhamarjamapuniw Hanameel primo jilajjajj, reyin guardiapan patiopar jutasin, cuna orakepatejj Anatot sisqui uca chekan utjqui uca orake alasiñajjataqui parljjayitu, uca orakesti Benjamín tribun orakepanquiwa, uca orake alasiñataquisti nayaruraquiw wact'itänjja jac'a familiätajj laycu. Ucajj Tatitun munañapätapa amuyasinsti,

Levítico 1:10

“Naqhantañatac loktat uywatejj mä ovej tamata jan ucajj cabra tamata churatäcani ucajj suma c'umara orköñapawa,

Levítico 23:13

Uqhamarusa pusi kilo chicatani suma jac'u apanipjjaraquïta, ucasti aceitempi chaputäñapawa, Tatitutaqui nact'ayasin loktatäjjaraquiniwa. Uqhamarusa mä litro vinompi apapjjaraquïta, ucasti Tatitutaqui wartataraquïniwa.

Levítico 3:12

“Uca loktäwitejj mä cabränejja Tatitur loktañapawa,

Levítico 3:6

“Qhititejj sumancthapiyañatac mä oveja loktani ucasti, orköpasa, kachüpasa, c'umara uywäñapawa.

Levítico 7:13

Uca yuspagaräwita loktäwimpi chicsti, uqhamaraqui sumancthapiñatac loktäwinacampi chicsa, jan levaduran t'ant'anaca loktapjjaraquïta.

Josué 19:12

Uca Sarid chekatsti korpajj sarascaquïnwa inti jalsu tokeru, ucat Quislot-tabor sat orakempi korpasqui ucacama purisina, pasänwa Daberat tokeru, Jafía chekaru maqhatasaraqui.

Josué 19:22

Uca oraken korpapasti Tabor, Sahazima, Bet-semes sat chekcamaw purïna, Jordán jawirar purisina. Takpachasti tunca sojjtan marcanacänwa, jisc'a marcanacampi cuna.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 20:27

Uca urunacansti Diosan arcapajja Betel marcancascänwa, sacerdotesti Finees sat Eleazaran yokaparaquïnwa, Aaronan allchhiparaqui.

Jueces 4:12

Ucampis Sisarajja, Barac sat chachan Tabor sat kollunacapat yatisinjja,

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 8:18

Ucjjarusti Gedeonajj jisct'araquïnwa Zeba, Zalmuna ucanacarojja: —¿Cunjämänsa Tabor sat chekan jiwarayapcta uca jakenacajja? sasa. Ucat jupanacasti saraquïnwa: —Jupanacasti jumjamänwa, sapa mayni jupanacajja jilïrinacjamaraqui —sasa.

1 Samuel 10:4

Aruntt'apjjätamwa, ucatsti pä t'ant'a churapjjaraquïtam. Uca t'ant'sti catokaraquim.