2 Samuel 16:1 - Qullan Arunaka DC

¹ Davidax ukkhakiw uka qullut mä juk'amp sartaskäna, ukapachaw Mefi-bóset jaqin uywatapa, Sibá sat jaqix jupar jikxatäna, pä asno ant'ata, uka asnonakasti pä patak t'ant'ampi, waña uvanakat lurat patak tortampi, patak muxsa achunakampi, vino lip'ichi wayaqampi khumxatatänwa.

Aymar Bibliia 1986

¹ Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui.

Qullan Arunaca

¹ Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui.

2 Samuel 16:1 Jak'a apnaqawi uñst'ayäwi

2 Samuel 15:30

Davidasti Olivos qullu amsta makhatäna; llakisiñat q'ara kayukiw saräna, jacht'asisa, p'iqipas ch'uqt'ata. Jupampi chika sarapkäna uka jaqinakasti p'iqinakap ch'uqt'atkamakiw jacht'asis makhatapxarakïna.

2 Samuel 15:32

Qullu patar purisinsti, kawkhantix Tatitur yupaychañäki ukawjaruw, arquita ayllunkir Husai jaqix Davidar jikxatäna, isinakapas ch'iyanuqata, p'iqipas laq'ampi jach'xatataraki.

2 Samuel 19:17

17 (18) Jupamp chikasti, Benjamín ayllunkirit waranqa jaqinakaw sarapxäna, Sibá sat jaqisa, Saúl reyin wila masipan uywatapäkatayna ukas sararakïnwa, tunka phisqan yuqanakapampi, pä tunka uywatanakapamp chika, jupasti reyis janïr purkipan Jordán jawirar purïna,

2 Samuel 19:32

32 (33) Barzilai jaqix sinti chuymanïxänwa, kimsaqallqu tunka maranïnwa, jupasti David reyix Mahanaim chiqan jikxataskän ukapachaxa, taqi kun reyir churatayna, qamir jaqïtap layku.

1 Crónicas 12:40

40 (41) Ukhamarak jak'ankir masinakapasa, Isacar, Zabulón, Neftalí jupanakas asnonakata, camellonakata, mulanakata, urqu vacanakat manq'anak apapxäna. Kunayman manq'añanak apapxäna: jak'u, higot lurat t'ant'anaka, wañachat k'isanaka, vino, aceite, urqu vacanaka, ovejanaka; taqi kunas jilarkirïnwa, Israel markansti wali kusisiñaw utjäna.

Proverbios 18:16

Mä suma churäwimpix kawkhakamas mantañakiwa, wali aytat jaqin nayraqatapkamaw puriyi.

Jeremías 40:10

Nayasti aka Mispá sat chiqaruw babilonionak nayraqatan jumanakat arsuñatak qhipararakï, jupanakax akar jutapkani ukapacha. Jumanakasti vino, aceite, achunak imkatañar uskusipxam, ukhamanak kawkïr markanaktix katusipkta ukanakan jakapxäta” sasa.

Jeremías 40:12

Ukhamasti kawksanakarutix aywinukuwayapkatayna uksanakata, Judá uraqirkamaw kuttanxapxäna, ukatsti Mispá chiqan Guedaliasan nayraqataparuw uñstapxäna. Jupanakasti uka kipkarakiw walja vinompi, achunakampi imkatapxäna.

Amós 8:1

Tatitux akham uñacht'ayitu: Puqurat achunakaw mä walayan utjäna,

Miqueas 7:1

¡Ay kunakïkan nayatakixa! Achunak apthapitat jilt'anak thaqhasir jaqjamätwa, uva, higo achunak manq'añ munasa, janiw kunsa jikxatkti, q'al apthapiwayxapxatayna.

1 Samuel 10:3

Juk'amp sarkasinsti, Tabor quqa chiqar purkät ukkhasti, kimsa chachanakaw jumar jikxatir mistunipxani, jupanakasti Betel markaruw Diosar yupaychiri makhatasipkani. Maynix kimsa cabrito irpt'ata, maynisti kimsa t'ant'a apt'ata, maynïristi mä lip'ichi wayaqaru vino apt'ataraki.

1 Samuel 16:20

Ukat Jesé chachax David yuqaparux Saúl reyin ukaruw khithäna. Jupampi chiksti mä asno irpayarakïna, t'ant'as khumt'ata, mä lip'ichi wayaqa vinompi, mä cabritompi kuna.

1 Samuel 25:18

Ukatsti jank'akiw Abigail warmix apxarüna: pä patak t'ant'a, pä lip'ichi wayaqa vinompi, phisqa oveja kankatampi, pusi tunka kilo grano jamp'itampi, waña uvat lurat patak tortampi, waña higot lurat pä pataka tortampi; ukanaksti asnonakaruw khumxatawayi,