1 Juan 5:7 - Qullan Arunaca

Quimsa testigow ucjjatjja alajjpachanjja utji, ucanacasti acanacawa: [Dios Awqui, Jacañ Aru, Kollan Ajayu; aca quimsanisti mayaquiwa.

Aymar Bibliia 1986

Quimsa testigow ucjjatjja alajjpachanjja utji, ucanacasti acanacawa: [Dios Awqui, Jacañ Aru, Kollan Ajayu; aca quimsanisti mayaquiwa.

Qullan Arunaka DC

Kimsaniw qhanañchirixa:

1 Juan 5:7 Jak'a apnaqawi uñst'ayäwi

Salmos 33:6

Tatitojj arupampiquiw alajjpach acapach luri; lacapan samanapaquiw take cun utjayi.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 18:16

Janitejj ist'cätam ucasti, mä pani jan ucajj maynimpsa jawsasin saram cuntejj parlcäta ucajj jupanacan ist'atäñapataqui, testigöpjjañapataquiraqui.

Mateo 28:19

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu.

Juan 1:1

Cunapachatejj take cuna kalltcäna ucqhajja, Arojj utjapunïnwa; qhä Arusti Diosampïnwa, uca Arusti Diosänwa.

Juan 10:30

Awquimpi nayampejja mayaquïpjjtwa —sasa.

Juan 12:28

Awquiy, sutimajj jach'añchatäpan. Ucatsti mä aruw alajjpachat ist'asïna: Nayajj jach'añchawayjjtwa, wasitampis jach'añchascaquïwa” sasa.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 15:26

“Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Juan 5:26

Awquisti ch'amaniwa jupa pachpa jacañ churañataquejja, uca pachparaquiwa Yokaparojj ch'am churi jacañ churañapataqui;

Juan 8:18

uqhamajja naya pachpawa nayatac mä testigötjja, qhitanquitu uca Awquejjajj maynïri testigoraquiwa —sasa.

Juan 8:54

Jesusajj ucjjarojj saraquïnwa: —Naya pachpatejj jach'añchasëjja, jach'ar tucutajjajj janiw cunataquis walïcaniti. Ucampis qhititejj jach'a cancaña churquitojja ucajj Awquejjawa, qhitirutï jumanacajj ‘Diosajjaw’ sapcta uca pachpa.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.

Hechos 5:32

Take acanacjja nanacaw yatipjjta, uñjapjjaracta. Kollan Ajayusti uqhamaraquiw khanañcharaqui. Uca Kollan Ajaysti Diosaraquiw churi, take qhitinacatï jupar ist'apqui ucanacaru —sasa.

2 Corintios 13:14

Jesucriston bendicionapasa, Diosan munasiñapasa, Kollan Ajayun jiwasampïñapasa jumanacampipunïpan.

Deuteronomio 6:4

“Ist'am Israel marca: Jiwasan Tatitu Diosasti mä sapaquiwa.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.

1 Juan 5:6

Tatit Jesucristojj jutawayiwa umampi wilampi unañcht'ata; janiraquiw umampiquiti, jan ucasti umampi uqhamarac wilampi, Ajayu pachparaquiw ucjjatjja testigo, Ajayusti chekaraquiwa.

1 Juan 5:8

Quimsa testigow utjaraqui aca orakenjja,] ucanacasti acanacaraquiwa: Ajayu, uma, wila; quimsanpachasti mayar tucutäpjjaraquiwa.

Apocalipsis 19:13

Isipasti wilampi wilachsutänwa, sutipasti Diosan Arupa sataraquïnwa.