Mateo 17:5 - Qullan Arunaca

⁵ Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Aymar Bibliia 1986

⁵ Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Qullan Arunaka DC

⁵ Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Mateo 17:5 Jak'a apnaqawi uñst'ayäwi

Job 38:1

Uqhamasti Tatitojj Job chacharojj mä jach'a thaya taypitwa parläna:

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Éxodo 19:19

Pututunacan suenatapasti juc'amp juc'ampi jach'at ist'asïna. Cunapachatejj Moisesajj parlcäna ucqhasti Diosajj jaysanïnwa wali jach'a arumpi.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 42:21

Tatitusti, mä khespiyiri Diosätapatjja, yatichäwipjja jach'a c'ajquiri tucuyañrac munänjja;

Mateo 12:18

“Acajjaya qhitirutejj nayajj ajlliscäyäta uca sirvirejjajja, qhitirutejj walpun munaracta, jupatsti cusisiractwa. Nayan Ajayojjsti jupjjaruw uchä, jupasti cheka cancañajjwa yatiyaraquini take marcanacaru.

Mateo 17:6

Uc ist'asinjja discipulonacapajj oraker ajanup puriyañcamaw quillt'asipjjäna, walrac ajjsarapjjäna.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Marcos 1:11

Ucatsti mä aruraquiw alajjpachat ist'asïna: “Jumätawa nayan munat Wawajjajja, cawquïrirutejj nayajj ajlliscta ucajja” sasa.

Marcos 9:7

Ucatsti mä kenayaw jupanacarojj ch'iwjjattäna. Uca kenay taypitsti mä aruraquiw ist'asi: “Acaw nayan munat Wawajjajja. Jupar ist'apjjam” sasa.

Lucas 3:22

Kollan Ajayuwa jupjjaru sarakaniraquïna khanpacha mä palomar uñtata, ucatsti mä aruw alajjpachat ist'asïna: “Jumätaw nayan munat Wawajjajja, cawquïrirutejj nayajj ajlliscta ucajja.”

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:35

Awquejj Yokaparojj munasiwa, juparusti take cunwa catuyaraqui.

Juan 5:37

Uqhamaraquiw Awquejj qhitanquitu ucajja nayatwa khanañchi, ucampis jumanacajj janiw cunapachas arupjj ist'apctati ni uñjapctasa.

Hechos 1:9

Ucanac arsuwayatatjja, Jesusajj apostolonacapan uñjcataw alajjpachar aptatäjjäna. Ucatsti mä kenayaw Jesusarojj muyuntasa jupanacan nayranacapatjj chhaktayawayjjäna.

Hechos 7:37

Uca quicpa Moisesaraquiw israelitanacarojj parläna: ‘Diosaw jumanacataquejj mä profeta sayt'ayarapipjjätam jumanac taypita, cunjämtï nayar qhitanquit uqhama. Juparuw ist'apjjäta.’

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

Deuteronomio 18:19

Ucampis cawquïritejj jan ist'cani uca profetan nayan sutejjar parlatapjja, ucarojj nayaw juchañchascä.

Deuteronomio 5:22

“Aca arunacsti Tatitu Diosaw jach'at parläna mä nina ch'iyara kenay taypita, cunapachatejj take jumanacajj kollu thiyana tantachasipjjäyäta ucqha. Ucatsti Tatitojj janiw cunsa arscjjänti, uqhamaraquiwa uca arunacsa pä kala tablanacaru kellkäna, ucsti nayaruwa catuyitu.

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.

Apocalipsis 14:14

Ucatsti uñtasinjja mä jank'o kenaya uñjta, uca kenayjjansti mä jakew kont'atäscäna, jupasti Jaken Yokapar uñtatänwa. P'ekeparojj kori coronampi asjjatatänwa, amparaparusti mä yawiñ hoz ayt'ataraquïnwa, uca yawiñ hosisti wali arïnwa.