Mateo 17:6 - Qullan Arunaca

⁶ Uc ist'asinjja discipulonacapajj oraker ajanup puriyañcamaw quillt'asipjjäna, walrac ajjsarapjjäna.

Aymar Bibliia 1986

⁶ Uc ist'asinjja discipulonacapajj oraker ajanup puriyañcamaw quillt'asipjjäna, walrac ajjsarapjjäna.

Qullan Arunaka DC

⁶ Uk ist'asinsti, yatiqirinakapax axsarañat uraqir ajanup puriyañkamaw killt'asipxäna.

Mateo 17:6 Jak'a apnaqawi uñst'ayäwi

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

Ezequiel 3:23

Nayasti sartastwa, ucatsti pampa tokeruw sararacta, ucanwa nayajj Tatitun c'ajquir cancañapa uñjaracta, cunjämatejj Quebar jawira thiyan uñjcäyätjja uqhama. Orakeru puriñcamaraquiw p'ekejja alt'asta,

Ezequiel 43:3

Uca unañchäwi uñjatajjasti, cunapachatejj mä unañchäwi uñjcäyäta, Tatitojj Jerusalén marca t'unjiri jutcän ucapacha, uqhamaraquiquïnwa. Cuna unañchäwitejj Quebar sat jawira jac'an uñjcäyät uca quipcaquiraquiquïnwa. Ucat nayajj oraker puriñcamaw p'ekejja alt'asta,

Daniel (hebreo) 8:17

“Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: ‘Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui’ sasa.

Levítico 9:24

Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 17:7

Jesusasti jupanacaru jac'achasisaw llamct'äna, saraquïnwa: “Sartasipjjam, jan ajjsarayasipjjamti” sasa.

Hechos 22:7

Ucspachaw nayajj oraker liwnoktta. Ucatsti ist'aractwa mä aru aqham siri: ‘Saulo, Saulo, ¿cunats arcnakesta?’

Hechos 26:14

Ucatsti takeniw oraker liwirtapjjta. Nayasti mä aru ist'aracta, hebreo aruta aqham siri: ‘Saulo, Saulo, ¿cunats arcnakesta? Wali ch'amaw jumataquejj nayataqui sayt'añamajja. Juma pachpaw chhojjriñchjastajj cunjämatejj mä vacajj mä ari fierror mat'akt'asajj jupa pachpa usuchjasejja uqhama’ sasa.

2 Pedro 1:18

Nanacaw alajjpachat jutir uca ar ist'apjjta, Tatitump chica uca kollan kolluncasipcäyät ucqha.

Jueces 13:20

Cunapachatejj altarat ninajj altoru maqhatcäna ucqhajja, Manoa chachampi warmipampejj uñjapjjänwa angelarojj alajjpacharu nina taypnäma maqhatiri. Ucat uqhama uñjasinsti p'eke paranacapsa orakercamaw alintapjjäna.

Jueces 13:22

Manoa sat chachajj warmiparojj saraquïnwa: —Chekpachapuniw jiwasajj jiwañäni Diosaruw uñjtan —sasa.