Juan 15:26 - Qullan Arunaca

²⁶ “Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Aymar Bibliia 1986

²⁶ “Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Qullan Arunaka DC

²⁶ “Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 15:26 Jak'a apnaqawi uñst'ayäwi

Lucas 24:49

Yatipjjaraquim nayajj qhitanïwa cuntejj Awquejjajj ‘Churämaw’ sisquitu uca; jumanacasti aca Jerusalén marcan kheparapjjam, alajjpachat ch'amajj jutcani uc catokañcama —sasa.

Juan 14:26

Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.

Juan 16:7

Ucampis cunatejj chekäqui ucwa sapjjsma: jumanacataquejj asquiwa nayan sarjjañajjajja. Nayatejj jan sarquiristjja, janiw jumanacar Chuymachirejj jutcaspati, ucampis nayatejj saräjja, juparojj qhitanïwa.

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

Hechos 1:4

Cunapachatejj Jesusajj apostolonacapampïscäna ucqhajja, jupanacarojj ewjjt'awayänwa: —Jerusalenat jan cawquirus sarapjjamti, jan ucasti suyt'apjjam Awquejjan arsutapa phokhasiñapcama, cunjämtejj nayajj jumanacarojj sapcäyäsma uqhamarjama.

Hechos 15:8

Jakenacan chuymap uñt'ir Diosasti jan judiöpquis ucanacar catokatapjja uñacht'ayiwa, jupanacar Kollan Ajayu churasa, cunjämtï jiwasanacarus churquistu uqhama.

Hechos 5:32

Take acanacjja nanacaw yatipjjta, uñjapjjaracta. Kollan Ajayusti uqhamaraquiw khanañcharaqui. Uca Kollan Ajaysti Diosaraquiw churi, take qhitinacatï jupar ist'apqui ucanacaru —sasa.

1 Corintios 1:6

Take cunatejj Cristot parlasqui ucajj jumanacanjja khanpachwa uñsti.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.