Nayan ajayojjwa jumanacarojj churapjjäma, uqhamata leyinacajjsa, arsutanacajjsa phokhapjjañamataqui,
1 Corintios 3:16 - Qullan Arunaca ¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa? Aymar Bibliia 1986 ¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa? Qullan Arunaka DC ¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti? |
Nayan ajayojjwa jumanacarojj churapjjäma, uqhamata leyinacajjsa, arsutanacajjsa phokhapjjañamataqui,
Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.
Jumanacajj wal yatipjjtajja cunjämatejj mä esclavojj mä patronaru sirviñataqui catuyasjjchi ucajja, patronaparojj ist'añapawa, uqhamaraquipï maynejj juchar catuyasjjchi ucajja, jucharusti ist'añapawa, ucasti jiwañaruraquiw api. Ucat sipan qhitinacatejj Diosar catuyasqui ucanacasti cheka cancañan sarnakañataquiw catuyasi.
¿Janit yatipcta take qhitinacatï bautismo toke Cristompi mayachasctan, ucatsti jupampi chica bautismo toke jiwjjatasjja?
Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.
Ucampis jumanacajj janiw janchin munañanacapar sirviñataqui jacapctati, jan ucasti Ajayun sirviñataquiw jacapjjta, Diosan Ajayupatejj jumanacjjan jacchi ucqhajja. Qhitinacatejj jan Criston Ajayupanïqui ucanacajj janiw Cristoncquiti.
Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.
Nanacajj Diosar sirviñanjja mayaquïpjjtwa, jumanacasti Diosan yapupäpcasmas uqhamäpjjtawa, mä utar uñtatäpjjaractawa, uca utjja Diosas utachcaspa uqhama.
Jumanacasti janiw uca luratanacamatjja jach'a jach'a tucupjjañamäquiti. ¿Janit aca säwsti yatipcta: “Mä juc'a levadurajj takpach t'ant'a maswa poktayejja” sasa?
Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.
¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,
¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.
Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.
Jumanacajj yatipjjtawa, mä atipasiñanjja takeniw jalapjje, ucampis mayniquiw premio catokejja. Jumanacasti jalapjjamaya premio catokañcama.
Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”
inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.
Jiwasanacan jacqui uca Kollan Ajayun yanapapampejj, imam cuntejj Diosajj catuyctam ucjja.
Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.
¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.
Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.
Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.