1 Corintios 6:16 - Qullan Arunaca

¹⁶ Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.

Aymar Bibliia 1986

¹⁶ Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.

Qullan Arunaka DC

¹⁶ ¿Janit jumanakax yatipkta kunapachatix mä chachax wachuq juchan sarnaqir warmimpi mayachaski ukkhaxa, mä sapa janchik tukxapxatapsti? Qillqatan siwa: “Panpachanix mä sapa janchikiw tukxapxi” sasa.

1 Corintios 6:16 Jak'a apnaqawi uñst'ayäwi

Génesis 2:24

Ucatpï chachajj awquipsa, taycapsa jaytjjanejja, warmipampi mayachasjjañataqui, panpachanisti mä sapa jakequïpcaspasa uqhamäpjjaniwa.

Génesis 34:31

Ucampisa, jupanacajj sapjjaraquïnwa: —Uqhamajj, ¿jupanacajj cullacajjarojj cunjämarutejj munapjje uqhamar lurasipcaquisapänti? —sasa.

Génesis 38:15

Cunapachatejj Judá chachajj uñjän ucqhasti mä jan wali sarnaker warmïcaspas uqhamwa amuyäna, velon ch'okt'atätap laycu.

Génesis 38:24

Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

Marcos 10:8

Panpachanisti mayniquïcaspas uqhamaw tucjje.’ Uqhamasti janiw paninjamäcjjeti, jan ucasti mä janchiquëjjapjjewa.

1 Corintios 6:3

Jan ucajj ¿janich yatipcta jiwasanjj angelanacamppacharu taripañasäqui ucsa? Uqhamächi ucajja, juc'amp sumwa jiwasan quejanacasjja uñjañasajja.

Efesios 5:31

“Ucatpï chachajj awquip taycap jaytanejja warmipampi mayachasiñataquejja, ucatsti paninitjja mä sapaquïpcaspas uqhamaw tucupjjani.”

Hebreos 11:31

Iyawsäwi laycuraquiw Rahab sat jan wal sarnaker warmejj jan jiwayatäcänti mayni jakenacamp chica, jupan uñaka israelit jakenacar sum catokatap laycu.

Jueces 16:1

Mä urojj Sansón chachajj Gaza sat marcaruw saräna. Ucansti uñjänwa chachanacampi sarnaker mä warmiru; uca arumajja utapanwa iquïna uca warmimpi chica.