1 Corintios 3:17 - Qullan Arunaca

¹⁷ Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Aymar Bibliia 1986

¹⁷ Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Qullan Arunaka DC

¹⁷ Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

1 Corintios 3:17 Jak'a apnaqawi uñst'ayäwi

Génesis 28:17

Wal ajjsaräna, ucatsti saraquïnwa: “Aca chekajj wali ajjsarcañawa. Acanquiwa Diosan utapajja, ¡alajjpachan puncupawa!” sasa.

1 Crónicas 29:3

Templotaqui take cuna waquichta ucanacat sipansa, Diosajjan templopataqui munasiñajjajj utjatap laycojja, Diosan templopataquejja nayan korejja, kollkejja churaracta:

Salmos 74:3

Aca t'unjat marcamar uñjirejj jutaquimaya: uñisirejj kollan utamarojj takpach t'unji.

Salmos 79:1

Diosajjay, Tatitur jan uñt'ir jakenacaw orakemarojj mantantanipjje, kollan templomaruw ñankhachapjje, Jerusalenarusti t'unjat marcaruw tucuyapjje.

Salmos 93:5

Tatay, arsutanacamajj asquiwa, jan onjjtquiriwa, kollan cancañajj utamar wiñay c'achachiriwa.

Salmos 99:9

Tatit Diosasar jach'añchapjjam, kollan kollup nayrakatar konkort'asipjjam: ¡Tatit Diosasajj Kollanawa!

Éxodo 3:5

Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Isaías 64:11

Nanacan suma santuariojjasti, cawqhantï awquinacajjajj yupaychapcäyätam uca chekanacajja k'ala ninampi tucjatawa. ¡Cuntejj wal munasipcäyät ucanacasti k'ala tucjatawa!

Ezequiel 43:12

Ucaw templon leyinacapajja, uca kolluna take orake temploru muytatäquis uca chekajj sinti kollana sataraquïniwa” sasa.

Ezequiel 5:11

Naya Tatituw ucjja arsta, pachpa jacañajj-jjaruraquiw juramentompi arsta. Cunjämatejj jumanacajj nayan kollana templojja jan wali uqhamaraqui k'añu luräwinacamampi taquisipjjtajja, jichhasti nayajj jumanacarojj jan qhuyapt'ayasisaraquiw tucjjapjjäma; janipuniw jumanacatjja acch'as qhuyapt'ayascäti.

Ezequiel 7:22

Nayasti aca marcatjja jayarst'jjäwa, nayan wali munata templojjsa taquisiyaraquïwa. Jan wali jakenacaw jutasinjja k'añuchjapjjani.

Levítico 15:31

Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Levítico 20:3

Nayasti uca jake contraw sayt'araquëjja, ucatsti take familianacap taypitsa jiwayjjaraquïwa, nayan kollana chekajj k'añuchatap laycu, uqhamarac nayan kollana sutejjarusa taquisitap laycu, mä wawapa uca Moloc sat diosar loktatap laycu.

Sofonías 3:4

Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Números 19:20

Mä jaketejj jan k'omachatäcän ucajj apanucutaw uñjasini jakenac taypitjja, jupan Diosan santuarioparu k'añuchatap laycu. K'omachasir umampi jan ch'allaquipasitap laycusti, k'añuquïsquiwa.

1 Corintios 3:16

¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa?

1 Corintios 3:18

Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.