1 Corintios 3:17 - Qullan Arunaka DC

¹⁷ Maynitix Diosan utap t'unthapinixa, Diosax jupar t'unthapirakiniwa, Diosan utapax qullanawa, uka utasti jumanak pachpäpxtawa.

Aymar Bibliia 1986

¹⁷ Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Qullan Arunaca

¹⁷ Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

1 Corintios 3:17 Jak'a apnaqawi uñst'ayäwi

Génesis 28:17

Jupasti wal axsaräna, sarakïnwa: “Aka chiqax wali axsarkayawa. Akawjax Diosan utapawa; ¡alaxpach punkurakiwa!” sasa.

1 Crónicas 29:3

Ukampis kunanaktix Tatitun utapatak wakt'aykta ukanakat sipansa, Diosaxan utapar munasitax laykux qurixsa, qullqixsa, uraqixsa uka utatakiw katuyta:

Salmos 74:3

Aka t'unjat markamar uñjir jutakimaya; ¡uñisirix qullan utamarux taqpach t'unjawayi!

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Salmos 93:5

Tatay, arsutanakamax jan unxtkiriwa. ¡Qullan kankañax utamar wiñay k'achachiriwa!

Salmos 99:9

Tatit Diosasar yupaychapxam, ¡qullan qullup nayraqatar killt'asipxam! ¡Tatit Diosasax Qullanawa!

Éxodo 3:5

Ukat Tatitux sarakïna: —Jan jak'achasinimti, wiskhum apsusim, kawkhankktatix uka uraqix qullanawa.

Isaías 64:11

11 (10) Nanakan suma qullan utaxasti, kawkhantix awkinakaxax yupaychapkäyätam uka chiqanakax ninampi q'ala tukjatawa. ¡Kuntix wal munasipkäyät ukanakasti laqayar tukuyatawa!

Ezequiel 43:12

Tatitun utapan kamachinakapax akawa: qullu patana Tatitun utapar muyuntatäkaraki taqi uka uraqix, qullanan qullanapa chiqäniwa” sasa.

Ezequiel 5:11

Naya, Tatituw jakañax layku juramentompi arsta: jumanakax nayan qullan utaxsa axtaskañ yaqha diosanakampi, q'añu luräwinakamampi q'añuchjapxtaxa, ukhamarakiw nayax jumanakar jan khuyapt'ayasis tukjapxäma, janipuniw khuyapt'ayasipkämati.

Ezequiel 7:22

Nayasti aka markat jayaruw sarxä, nayan wali munat utaxsa takisiyarakïwa. Jan wali jaqinakaw jutasin q'añuchjapxani.

Levítico 15:31

ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Sofonías 3:4

Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.

Números 19:20

Q'añuchat jaqitix jan q'umachaskanixa, markap taypit apanukutaw uñjasini, Tatitun qullan utjäwip jupan q'añuchatap layku. Q'umachasir umampi jan ch'allakipasitap laykusti, jupax q'añukïskaniwa.

1 Corintios 3:16

¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti?

1 Corintios 3:18

Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.